22 आस पाप मल नंजस अरा आस इकला हूँ मल ठगचस।
पिलातुस नेंवई नन्ना गदिया नू उक्काचस ख़ने, तंग्आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्देरगेका ऎन चेरो माख़ा तुंगुल नू आसी चड्डे नगदे दुक्खे सारचकन।”
अरा बाचस, “आ बिगर गुन्हा नेम्हा उजगो आलासिन पिटा गे धरताचकन ती पाप नंजकादन।” अबड़र बाचर, “अदगे एमा एन्देर? नीनिम अदही हदा र'अदय।”
अरा नम्है दंडे गा नॆग ती मानिम र'ई, नाम नम्है नलख ही जोक्खा दंडे ख़क्खा लगदत। लिकिन ई आलस एन्देर हूँ मलदौ मल नंजकादस।”
ई मंजकन रोमी सैनर ही मुद्धस ईरियस ती धर्मेसी ओहमा नंजस अरा बाचस, “मानिम ई आलस उजगो रहचस।”
येसुस नतनऎलसिन तंग्है तरा बरनन ईरियस ती आसी पत्त नू बाचस, “ऎरा, ईस ओन्टा मानिम इस्राऎल आलस, ईसी नू कुटमुटरना मलकी।”
ऎन पाप नंजकन एन्ने एंग्है मइय्याँ बदी नन्ना ती अदन पुरुब नना नीम ओंग्दर का? ऎन मानिम तेंगदन होले, नीम एन्देरगे एंगन मल पत्त'अदर?
धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।
नम्है एन्ने कोहाँ नैगस र'अस का नॆ नम्है पयहा नू नम्है गने दुक्खे सार'आ ओंग्दस। आस गा ख़ॆख़ेल नू उज्जो बारी उर्मी रकम ती नम्है लेक्खा बिढ़्रस, लिकिन एन्देर हूँ पाप मल नंजस।
अन्नेम मसीस हूँ बग्गे आलर ही पाप गुट्ठिन ओथ्र'आ गे ओंग्होन दाँड़े मन्तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्द्र'ओस बर'ओस।
अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।
नीम अख़दर का मसीस नम्है पाप गुट्ठिन हो'आ गे दहदर मंजस, अरा आस नू पाप मलकी।
अरा ईर ही बई ती कहियों ठकवा कत्था मल उरखकी रहचा। ईर बिगर बदी ही हिकनर।
