1 पतरस 2:20 - पुना गच्छरना NT (BSI)

²⁰ नीम इन्द्रिइम गलती नन्दर ती अदगे ख़क्खना दंडेन सहदर होले, आद ती निमा एन्देर हूँ नफा मल मनो। लिकिन नीम दौ नलख नंजका ही चड्डे सस्ती सारदर, अरा अदिन नीम कयास ती सहदर होले, आद धर्मेसिन खुसमारत'ई।

1 पतरस 2:20 ပူးပေါင်းရင်းမြစ်များ

मत्तायोस 26:67

ख़ने आर आसी मुंही नू तुप्‍पियर ती आसिन घुसियाचर, अरा नन्‍नर थपड़ाचर ती बाचर,

मत्तायोस 5:47

नीम निम्‍है भईरिन लेका मोंजरा नन्‍दर होले नीम नन्नर ती एन्‍देर कोहाँ नलख नन्‍दर? धर्मेसिन बल्लुर हूँ एन्ने नन्नर।

मरकुस 14:65

ख़ने जोक्‍कोर येसुसी म‍इय्‍याँ तुप्‍पा हेलरर, अरा आसी मुहिन डब'अरकी घुसियालियर, अरा ब'आलियर, “नीन धर्मेसी कत्‍था तिंगुस होले एमा गे तेंगा का निंगन नॆ लौच्‍चा?” अरा ख़ा‍पुर आसिन होच्‍चर ती थपड़ाचर।

लू‍कस 6:32

नीम तम्है चोन्‍हा ननुर ती लेका चोन्‍हा नन्‍दर होले धर्मेस ती एन्‍देर इनाम ख़क्‍ख'ओर? पपहर हूँ गा तम्है चोन्‍हा ननुरिन चोन्‍हा नन्‍नर।

1 कोरिन्‍थ 4:11

ऎम अक्‍कुन गूटी हूँ कीड़ा अरा ओनक'आ नू र'अदम, अरा ठेठंगे र'अदम, अरा कुंहड़ारदम, अरा असन इसन ठुडुरदम जोबोरदम।

गलातिया 4:18

लिकिन ईद हूँ दौ हवे का बॆस कत्‍था नू उर्मी बेड़ा संगी कम'आ गे चिहुट नन्‍तार'ई नेकअन, आ बारी लेका मला एकाबारी ऎन निम्‍है गने र'अदन।

इफेसुस 5:10

औंगे उर्बासिन एन्देर रिझ्रत'ई अदिन नीम अख़'आ हो'आ।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

1 पतरस 2:19

एन्‍देरगेका नीकईम तंग्है उज्जना नू धर्मेसी मने ईद एन्ने अख़ना ती बिगर नेंवई ती कोड़हे सस्‍ती चोद्दस ती कलपारदस होले, आस धर्मेसिन खुसमारतादस।

1 पतरस 3:14

लिकिन नीम दौ नन्ना चड्डे दुक्‍खे चॊद्दर होले, नीम धर्मेस ती आसीस ख़क्‍खोर। नेम्हा पुथी नू लिक्खरका लेक्खा नना का, “नीम आर ही इल्चताना गुट्ठी गे अमके एल्‍चा अरा अमके धुकपुकर'आ।”

1 पतरस 3:17

मलदौ ननरकी दुक्खे चॊदना ती, धर्मेसी मने ईदिम होले, दौ नन्ना ती दुक्‍खे चॊदना कोड़हे बॆस र'ई।