1 पतरस 2:19 - पुना गच्छरना NT (BSI)

¹⁹ एन्‍देरगेका नीकईम तंग्है उज्जना नू धर्मेसी मने ईद एन्ने अख़ना ती बिगर नेंवई ती कोड़हे सस्‍ती चोद्दस ती कलपारदस होले, आस धर्मेसिन खुसमारतादस।

1 पतरस 2:19 ပူးပေါင်းရင်းမြစ်များ

लू‍कस 6:32

नीम तम्है चोन्‍हा ननुर ती लेका चोन्‍हा नन्‍दर होले धर्मेस ती एन्‍देर इनाम ख़क्‍ख'ओर? पपहर हूँ गा तम्है चोन्‍हा ननुरिन चोन्‍हा नन्‍नर।

यॊहनस 15:21

नीम एंग्‍है र'अना चड्डे आर निमा गे इबड़ा ओर्मन ननोर, एन्‍देरगेका आर नॆ एंगन तइय्यस आसिन बलनर।

त‍इरकर 11:23

बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

रोमी 13:5

औंगे अक्‍स'ऊ आलर ही तबे नू र'अना चाड़ र'ई। दंडे ही इल्चका ती लेका मला नम्‍है लखना ती हूँ नमा एन्ने नन्ना र'ई।

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 8:1

अक्‍कु अना भईरो! मकेदोनिया ता कलीसिया गुट्ठी गे धर्मेस ऎदका मया ती आर नंजका ही पत्त नू ऎम निमन अख़त'आ बेद्ददम।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

इब्रानी 10:2

नॆग आरिन पखड़ नना ऊंगका होले, दाँड़े अरगना मुंजुरकी र'ओ दने। महबा ननू आलर गा ओंग्‍होन लेका सुध मंज ख़च्चिका ती फेन आर ही लखना आरिन बदी मल टेक'आ ब'ओ दने।

1 पतरस 2:20

नीम इन्द्रिइम गलती नन्दर ती अदगे ख़क्खना दंडेन सहदर होले, आद ती निमा एन्देर हूँ नफा मल मनो। लिकिन नीम दौ नलख नंजका ही चड्डे सस्ती सारदर, अरा अदिन नीम कयास ती सहदर होले, आद धर्मेसिन खुसमारत'ई।

1 पतरस 4:15

नीम सस्ती सारना बारी आल पिटुस, मलता ख़लबस, मलता मलदौ ननुस, मलता नन्नर ही नलख नू हेड़ेम-जेड़ेम ननुस लेक्खा सस्ती अम्बोस सार'आ।