1 पतरस 2:17 - पुना गच्छरना NT (BSI)

¹⁷ ओर्मारिन मईन नना। पत्त'ऊ भईर गने चोन्‍हा नना। धर्मेसिन एल्‍चा। बॆलासिन मईन नना।

1 पतरस 2:17 ပူးပေါင်းရင်းမြစ်များ

मत्तायोस 22:21

आर आसिन बाचर, “कैसरसी।” ख़ने आस आरिन बाचस, “औंगे कैसरस गे एन्‍देर चि'अना र'ई अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।”

यॊहनस 13:35

नीम एन्ने ओर्त ओर्त गने चोन्‍हा ननोर होले, ओर्मा आलर अख़'ओर का नीम एंग्‍है चेलर हिकदर।”

रोमी 12:10

अपन ती नन्नर गने भ‍ई बहिन बेसे चोन्‍हा नना। निम्‍है ती बग्‍गे नन्नारिन म‍ईन ननके।

रोमी 13:7

निमा ओर्मर गे एन्‍देर एन्‍देर चि'अना र'ई अदिन चि'आ। नॆका मालगुजारी चि'अना र'ई आर गे मालगुजारी चि'आ, नॆका ख़ल्ल गोड्डा ही मालगुजारी चि'अना र'ई आर गे ख़ल्ल गोड्डा ही मालगुजारी चि'आ, नॆकन एल्‍चना र'ई आरिन एल्चा, नॆका म‍ईन नन्ना र'ई आरिन म‍ईन नना।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

इफेसुस 5:21

अरा मसीसी मइय्याँ ता निम्है मईन ती नीम ओर्त ओर्तोसी तबे नू र'आ।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

1 तीमोथियुस 6:1

उर्मी बिट्ठी ननू जॊंख़र गे तम्‍है तम्‍है उर्बर ही कोड़हे म‍ईन मरजात नन्ना र'ई। होले नेक‍ईम धर्मेसी नामे अरा नम्‍है सिखाब'अना ही बिड़दो नू मल ब'ओर।

इब्रानी 13:1

तंग्‍है ती नन्नारिन भ‍ई बहिन बेसे चोन्‍हा नन्ना नू बन्चका र'आ।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:13

नीम उर्बासी पॆसकन पॆस्र'उर र'अना ती आलर गे चीरका ओन्टे ओन्टे अदिया ही तबे नू र'आ। उर्मी ती कोड़हे अदिया उइय्यू बॆलस गे,

1 पतरस 5:5

अन्नेम अना जॊंख़ारो! नीम सेयान आलर ही आकुस नू निमन चि'आ। अरा नीम ओर्मर लुदऊ मनरकी ओर्त ओर्त गे सुसर नना। एन्देरगेका नेम्हा पुथी एन्ने ब'ई का, “धर्मेस फुलई मनुर ही बिड़दो मन्दस, लिकिन आस लुदऊ र'उर ही मइय्याँ सोग्गे ऎरदस।”