1 पतरस 2:15 - पुना गच्छरना NT (BSI)

¹⁵ एन्देरगेका नीम निम्‍है दौ नलख ती लूर मलका आलर ही मलदौ कत्‍था कछनख्रनन मुढ़'आ गे धर्मेस बेद्ददस।

1 पतरस 2:15 ပူးပေါင်းရင်းမြစ်များ

मत्तायोस 25:2

अबड़र ती पाँच गोटंग पेल्‍लर बोया रहचर, अरा पाँच गोटंग पेल्‍लर लुरगर रहचर।

मत्तायोस 7:26

एका ओर्तर एंग्‍है इबड़ा कत्‍थन मेन्नर, लिकिन अबड़न अन्नेम मल नन्नर, आर तंग्‍है एड़पन चलकुर म‍इय्याँ कमचका बोयस लेक्‍खा र'अनर।

रोमी 1:21

आलर धर्मेसिन अक्‍खर, लिकिन आर आसिन धर्मे लेक्‍खा म‍ईन मल नन्नर महले धन्‍यवाद हूँ मल नन्नर। आर ही सोच अनभनियाँ मंजा केरा अरा आर ही मल लखरना ही जिया ऊख़ा मंजा केरा।

गलातिया 3:1

अना बोया गलातिया ता आलारो! नॆ निमन नस्‍सा? येसु मसीसिन क्रुस नू ठोकचर अदिन निम्‍है ख़न्न ही मुन्‍दहारे ऎदका रहचा।

1 थेस्‍सलोनिकॆयर 4:3

धर्मेस बेद्ददस का नीम नेम्‍हा मना अरा पेहरन ही सोतरा नलख ती बछर'आ।

1 थेस्‍सलोनिकॆयर 5:18

उर्मी दसा नू धन्‍यवाद नना। एन्‍देरगेका निमा गे मसी येसुस नू धर्मेसी मने इदिम र'ई।

1 तीमोथियुस 1:13

ऎन गा मुन्‍द मसीसिन हींड़'ऊ, अरा आसी आलारिन सताब'ऊ, अरा कड़‍'ऊ रहचकन। अन्नु हों धर्मेस एंग्‍है म‍इय्याँ सोग्‍गे ईरियस, एन्‍देरगेका ऎन मल पत्त'अना अरा बलना ती इबड़ा नलखन नंजकाचकन।

तीतुस 2:8

मानिम आबोन सिखाब'आ, होले निंग्‍है सिखाब'अनन बोया कत्‍था ब'अरकी मल अलखोर। तहाँ निंग्‍है बिड़दो नू र'उर लजर'ओर, एन्‍देरगेका नमन मलदौ ब'आ गे एन्‍द्रा हूँ मलकी।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 3:16

लिकिन लुदऊ जिया अरा मईन गने इदन नना। अरा निम्‍है लखनन निमन उइय्या। ख़ने मसीस नू निमा गे र'अना बॆस जज्जना ओक्कना ही बिड़दो नू मलदौ सोच ती कछनख्र'उर तम्है हींड़ना कत्था ही पत्त नू लज्‍जे मॊंख़ोर।

1 पतरस 3:17

मलदौ ननरकी दुक्खे चॊदना ती, धर्मेसी मने ईदिम होले, दौ नन्ना ती दुक्‍खे चॊदना कोड़हे बॆस र'ई।

1 पतरस 4:2

इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।

2 पतरस 2:12

लिकिन इबड़ा ठकवा सिखाब'उर गा ताम मल बुझुरका कत्था गुट्ठी नू निंदा नन्नर। ईर आलर ही सुबहा मलका मेक्खो गुट्ठी लेक्खा र'अनर। ईर तम्है सुबहा ही लेक्खा ऎकना उज्जना आलॊ गुट्ठी लेक्खा र'अनर। ईर धरतारकी लौर'आ अरा पिटर'आ गेम कुन्द्रका र'अनर। मेक्खो गुट्ठी लेक्खम ईर हूँ नठार'ओर।

यहूदा 1:10

लिकिन इबड़ा ठकवा सिखाब'उर गा अख़'अम बलनर अबड़ा कत्था ही बिड़दो नू निंदा नन्नर। अरा सोच'आ पोलना मेक्खो लेक्खा तम्है सुबहा ही लेक्खा एन्द्रन अख़'आ ओंगनर, अबड़न दिम नन्नर, अरा अत्रु तिम नठारनर कानर।