1 पतरस 2:1 - पुना गच्छरना NT (BSI)

¹ औंगे नीम उर्मी रकम ही मलदौ अरा उर्मी ठकना अरा उतुरमाड़ना गुट्ठी अरा इस्‍गहा गुट्ठी अरा उर्मी मलदौ कछनख्रना गुट्ठी ती निमन तरकूटी उइय्या।

1 पतरस 2:1 ပူးပေါင်းရင်းမြစ်များ

मत्तायोस 15:7

अना उतुरमाड़ू आलारो, निम्‍है पत्त नू धर्मेसी कत्‍था तिंगू यसायास ठौकम तिंकादस, एकासे का,

मत्तायोस 23:28

एन्नेम नीम आलर गे उजगो ऎथ्रदर, लिकिन जिया भितरी उतुरमाड़ना अरा नॆग टांड़ना निंदकी र'ई।

मत्तायोस 24:51

ती आस गे कोड़हे दंडे चि'ओस। आस आस गे उतुरमाड़ुर गने हिसा चि'ओस। असन आलर गे चींख़ना ओलख़ना अरा पल्‍ल चब्रना मनो।

मत्तायोस 7:5

अना उतुरमाड़ू, मुन्‍द निंग्‍है ख़न्न ता च‍इलन ओथ्र'आ, होले नीन निंग्‍है भईसी ख़न्न ता कंटेन ओथ्र'आ गे फरीफरी ऎरा ओंगोय।

मरकुस 12:15

ऎम मालगुजारी चि'ओम का मला?” लिकिन येसुस आर ही चतरा आबोन अख़'अरकी बाचस, “नीम एंगन एन्‍देरगे बिढ़दर? ओन्‍टा रोमी ढिबन एंग्‍है गुसन ओन्‍द्र'आ का ऎन अदिन ऎरोन।”

लू‍कस 11:44

ओहरे निमा फरिसी आलारो, नीम गा नूख़्रका मसड़ा गड्डी लेक्‍खा र'अदर, अदही भितरी ता कित्तका पुचका र'ई अदिन आलर बलनर ती अदही म‍इय्याँ ऎकनर कुद्दनर।”

लू‍कस 12:1

आ बारी हजारों आलर ही गोंहड़ा ख़ॊंड़रा केरा। इय्या गूटी गा आलारिन आलर तिरख़ा हेलरर। तहाँ येसुस मुन्‍द तंग्‍है चेलारिन बाचस, “फरिसीर ही उतुरमाड़ना लेक्‍खा अमा र'आ, लिन्‍डका गुन्‍डा नू बिदगी एकासे मेसर'ई अन्ने आर ही मलदौ कत्‍था बीन्‍ड्र'ई।

लू‍कस 6:42

नीन निंग्‍है ख़न्न ता च‍इलन मल थिथाब'अदय ती निंग्‍है भईसिन ब'अदय, अना भ‍ई, ऎन निंग्‍है ख़न्न ता कंटेन ओथ्र'ओन चि'ओन, एन्ने एन्‍देरगे ब'अदय? अना उतुरमाड़ू, मुन्‍द निंग्‍है ख़न्न ता च‍इलन ओथ्र'आ, होले नीन निंग्‍है भईसी ख़न्न ता कंटेन ओथ्र'आ गे फरीफरी ऎरा ओंगोय।

यॊहनस 1:47

येसुस नतनऎलसिन तंग्‍है तरा बरनन ईरियस ती आसी पत्त नू बाचस, “ऎरा, ईस ओन्‍टा मानिम इस्राऎल आलस, ईसी नू कुटमुटरना मलकी।”

रोमी 1:29

आर उर्मी बेसे कुचरहा नलख, मलदौ, चिबाख़ारना, ख़ाँड़ना ती निन्‍दयर केरर। अरा आर इस्‍गहा, पिटना, नग्‍गानख्रना, उत्तुरमाड़ना, चिड़गना पड़गना ती निन्‍दका र'अनर। अरा आर जलिय'अना

1 कोरिन्‍थ 14:20

अना भईरो! नीम बुझुरना नू ख़द्दर लेक्‍खा अमा मना, मलदौ ही पत्त नू बॊलॊ ख़द्दर बेसेम र'आ, लिकिन बुझुरना नू पखड़ मन्‍नुम कला।

1 कोरिन्‍थ 5:8

औंगे बरा नाम पच्चा तिस्‍सा ती मला अरा मलदौ नलख अरा कुचुरहा ही तिस्‍सा ती मला, लिकिन उजगो अरा मानी ही बिगर तिस्‍सा असमा ती परब मनोत।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

इफेसुस 4:31

निम उर्मी रकम ही करतअंग, अरा खींसारना, अरा कैरारना, अरा नग्गानख्रना, अरा हींड़ना अरा उर्मी रकम ही मलदौ ननू सोच गुट्ठिन अम्बा चि'आ।

1 थेस्‍सलोनिकॆयर 2:3

एन्‍देरगेका एम्‍है सिखाब'अना लहर'अना ती मला, महले मलदौ मने गुट्ठी मला, महले ठकना मला।

1 तीमोथियुस 3:11

एन्नेम आर ही मुक्‍कर हूँ म‍ईन ही जॊगे र'अना र'ई। अरा आर दुस‍'ऊ अम्‍बोर र'आ। अरा आर चिहुंक अरा उर्मी कत्‍था नू पत्त‍'ऊ मन्नर नेक‍अन।

तीतुस 2:3

ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।

इब्रानी 12:1

औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।

याकॊब 1:21

औंगे उर्मी मदहे ही सोतबोड़'आ अरा मलदौ नलखन निम्है उज्जना ती तरकूटी नना ती निम्है जिया नू धर्मेसी चाँख़का कत्‍था आबोन लुदऊ ती इंझ्र'आ। आ कत्था निम्‍है जियन नाड़ा गे सवंगिय र'ई।

याकॊब 3:14

लिकिन नीम निम्‍है जिया नू करतअंग इस्‍गहा, अरा लोभिया उइय्दर होले, नीम अदही पत्त नू फुलई अमा मना, अरा मानिम ही बिड़दो नू अमके ठक'आ।

याकॊब 4:11

अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।

याकॊब 4:5

“नम्है नू ओक्कर'आ गे धर्मेस नमा गे चिच्का नेम्हा बॊलतस, नाम आसी आलर र'आ गे दिम कोड़हे पत्तारदस,” एन्ने नेम्हा पुथी नू अनभनियाँ ती लिख्रकी र'ई एन्ने नीम अमा सोच'आ।

याकॊब 5:9

अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।

1 पतरस 2:16

नीम छछिन्‍द आलर लेक्‍खा उज्जा। लिकिन नीम गा धर्मेसी बिट्ठी ननू जॊंख़ र'अदर, औंगे निम्है छछिन्द आबोन मलदौ नना गे अमा बउर'आ।

1 पतरस 2:22

आस पाप मल नंजस अरा आस इकला हूँ मल ठगचस।

1 पतरस 3:10

एन्‍देरगेका नेम्हा पुथी नू एन्ने लिख्रकी र'ई का, “नॆ खुस ती उज्‍जा गे बेद्ददस अरा दौ उल्‍ला गुट्ठिन ऎरा बेद्ददस, आस मलदौ मल ब'अना र'ई, अरा आस मल ठकना र'ई।

1 पतरस 4:2

इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।

1 पतरस 4:4

लिकिन निम्है मुन्द ता सखीर अनचकरनर का नीम अक्कु आर ही गने आर नन्ना मलदौ नलख गुट्ठी नू मल जुम्रदर। औंगे आर निमन हींड़नर।

दहदर मंजका कत्‍था 14:5

अरा ईर ही बई ती कहियों ठकवा कत्‍था मल उरखकी रहचा। ईर बिगर बदी ही हिकनर।