1 पतरस 1:8 - पुना गच्छरना NT (BSI)

⁸ आसिन नीम मल्‍ला ईरका अन्नु हूँ आसिन चोन्‍हा नन्दर। नीम आसिन मल ईरका ती हूँ अक्कु आसिन पत्त'अदर ती तेंगा पोलना रिझ अरा कोड़हे मईन गने रिरयारदर।

1 पतरस 1:8 ပူးပေါင်းရင်းမြစ်များ

मत्तायोस 10:37

नॆ अयंग मलता बंगासिन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस। अरा एकास तंग्‍दासिन मलता तंग्‍दन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस।

यॊहनस 14:15

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

यॊहनस 14:21

नॆ एंग्‍है पॆसका गुट्ठिन इंझ्रदस, अरा अबड़न मनदस, आस दिम एंगन चोन्‍हा ननू र'अदस। नॆ एंगन चोन्‍हा नन्‍दस आसिन एम्‍बस चोन्‍हा ननोस। अरा ऎन आसिन चोन्‍हा ननोन ती एंगन आस गे दहदर ननोन।”

यॊहनस 14:24

अरा नॆ एंगन चोन्‍हा मल नन्‍दस, आस एंग्‍है सिखाब'अनन मल मन'ओस। अरा एका कत्‍था गुट्ठिन नीम मेन्‍दर, अबड़ा एंग्‍है कत्‍था मल्‍ली, अबड़ा एंगन त‍इय्‍का बंगासी हवे।

यॊहनस 16:22

ई लेक्‍खम नीम हूँ अक्‍कु सस्‍ती सारदर, लिकिन ऎन निमन फेन ऎरोन, ख़ने नीम रिझ्र'ओर। निमन ती निम्‍है रिझ्रनन नॆ हूँ पोल्‍लोर बच्‍चा।

यॊहनस 20:29

तहाँ येसुस आसिन बाचस, “नीन एंगन ईरकादय, औंगे नीन एंगन पत्ताचकय। एंगन बिगर ईरका ती नॆ एंगन पत्त'अनर आरिन धर्मेस बरकत ननोस।”

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

त‍इरकर 16:34

तहाँ आस आरिन तंग्‍है एड़पा होच्‍चस ती आर गे मंडी चिच्‍चस। अरा आस तंग्‍है गोट्टा एड़पातर गने रिझ्रस, एन्‍देरगेका आर धर्मेसिन पत्ताचकाचर।

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

1 कोरिन्‍थ 16:22

नेक‍ईम उर्बासिन चोन्‍हा मल नन्‍दस होले, धर्मेस आस गे दंडे चि'अदस नेकअन। एम्‍है उर्बायो बरा।

2 कोरिन्‍थ 1:22

आस नम्‍है उर्बस एन्ने ऎद'आ गे आस नम्‍है मइय्याँ छाप चिच्कादस, अरा बयाना नू नम्‍है जिया नू आसी नेम्‍हा बॊलतासिन चिच्कादस।

2 कोरिन्‍थ 4:18

औंगे ऎम ऎथ्रना आलॊ गुट्ठी नू मला, लिकिन मल ऎथ्रना आलॊ गुट्ठिन ऎरते र'अदम। एन्देरगेका ऎथ्रना आलॊ गुट्ठी जुक्‍की उल्ला गे र'ई, लिकिन मल ऎरना आलॊ गुट्ठी जनमजुग गे र'ई।

2 कोरिन्‍थ 5:7

एन्‍देरगेका नाम ईरका कत्‍था ती मला पत्त'अना ती ऎकदत।

2 कोरिन्‍थ 9:15

धर्मेस चिच्कादस आ थाह'आ पोलना बरदान गे धन्‍यवाद।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

इफेसुस 3:19

अरा नीम मसीसी चोन्‍हन अख़दर नेकअन, एकदा अख़ना लूर ती गेच्‍छा र'ई। ई लेक्‍खा नीम धर्मेसी उर्मी लेक्खा निंदका ती निंद्रदर नेकअन।

इफेसुस 6:24

नॆ नम्‍है उर्बस येसु मसीसिन मल मुंज्रना चोन्‍हा ती चोन्हा नन्नर, आर ओर्मर मइय्याँ धर्मेसी मया मनन नेकअन।

फिलिप्‍पी 1:25

ऎन इदिन बड़ियर असरा नन्ना ती निम्‍है गने ऎन र'ओन‍। अरा निमन निम्‍है पत्त‍'अना नू परदा गे रिझ्र'आ गे सहाड़ा ननोन, अदिन अख़दन।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

फिलिप्‍पी 4:4

उर्बस नू सगरो रिझ्र'आ, ऎन अउरिम ब'अदन रिझ्र'आ!

इब्रानी 11:1

पत्त'अना गा नम्‍हा असरा नंजका आलॊ गुट्ठी मानिम नू मनो दिम एन्ने थितगर हवे, अरा मल ऎथ्रना कत्‍था गुट्ठी ही साबूत हवे।

इब्रानी 11:27

पत्त'अना ती आस बॆलासी खींस ती मल इल्‍चियस ती मिसर राजिन अम्‍बियस ती उरखस केरस। अरा आस मल ऎथ्र'ऊ धर्मेसिन ईरका बेसे ठिमठिम ने रहचस।

1 पतरस 1:6

ई नाड़रना ही पत्त नू नीम कोड़हे रिझ्रदर, अन्नु हूँ अक्‍कुन जोक्‍क बेड़ा गे निमा कैनो रकम ही खिलपत सहना ही चाड़ र'ई।

1 पतरस 2:7

आसिन पत्त'ऊ निमा गे आ पखना कोड़हे मईन ही र'ई। लिकिन आसिन मल पत्त'उर गे नेम्‍हा पुथी एन्ने ब'ई का, “एड़पा कम'उर एका पखनन अनभनियाँ बाचर ती ताँड़चका चिच्काचर आदिम कोंड़ा ही कुक्कु पखना मंजा।”

1 पतरस 5:4

नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।