1 पतरस 1:6 - पुना गच्छरना NT (BSI)

⁶ ई नाड़रना ही पत्त नू नीम कोड़हे रिझ्रदर, अन्नु हूँ अक्‍कुन जोक्‍क बेड़ा गे निमा कैनो रकम ही खिलपत सहना ही चाड़ र'ई।

1 पतरस 1:6 ပူးပေါင်းရင်းမြစ်များ

मत्तायोस 11:28

अना उर्मी अर्ज'ऊ अरा ओत्‍था ती कज्रका आलारो! एंग्‍है गुसन बरा, ऎन निमा ख़न्‍न ऎख़्रत'ओन।

मत्तायोस 26:37

तहाँ आस पतरस अरा जेबदयुसी ऎंड़ ख़द्दारिन तंग्‍है गने होच्‍चस केरस। आस दुक्‍खे अरा खिलपत मना हेलरस।

मत्तायोस 5:12

औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

लू‍कस 1:47

एंग्‍है बॊलता एंग्‍है बछाब'ऊ धर्मेस नू रिरयार'ई।

लू‍कस 10:20

लिकिन मलदौ बॊलता गुट्ठी एमन पत्त'ई ब'अके ती लेका अमके खुसमार'आ, इदगे हूँ खुसमार'आ का निम्‍है नामे मेर्ख़ा नू लिख्रकी र'ई।”

लू‍कस 2:10

ख़ने मेर्ख़ा पैकस आरिन बाचस, “अमा एल्चा, ऎरा, ऎन निमा गे दौ कत्‍थन मेन्‍त'आलदन का आद ओर्मा आलर गे कोहाँ खुसमारना र'ओ।

यॊहनस 16:22

ई लेक्‍खम नीम हूँ अक्‍कु सस्‍ती सारदर, लिकिन ऎन निमन फेन ऎरोन, ख़ने नीम रिझ्र'ओर। निमन ती निम्‍है रिझ्रनन नॆ हूँ पोल्‍लोर बच्‍चा।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

रोमी 12:12

असरा नू खुसमार'आ, खिलपत नू सहनुम र'आ, गोहरारना नू बोथ्रका र'आ।

रोमी 5:11

ईद लेका मला अक्‍कुन धर्मेस गने निभ्रनन चिच्का नम्‍है उर्बस येसु मसीस ती नाम धर्मेस नू कोड़हे रिझ्रदत।

रोमी 5:2

येसुस नमन नम्‍है पत्त'अना चड्डे ई पुना नता नू ओन्‍द्रकादस एका इय्या नाम धर्मेसी मया आबोन लखदत। धर्मेस आसी महबा आबोन नमा गे ख़ट्टोस, ई असरा ती नाम रिझ्रदत।

रोमी 9:2

का एंग्‍है जिया कोड़हे दुक्‍खे र'ई अरा सगर घड़ी ऊली।

2 कोरिन्‍थ 4:17

बग्गे उल्ला मल र'अना अक्‍कु ता एम्‍है कट्टी गुसर खिलपत गा एमा गे अकय कोहाँ अरा कोड़हे जनमजुग महबन कुन्द्रत'ई।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

फिलिप्‍पी 2:26

आस नीम ओर्मारिन ऎरा गे कोड़हे पत्तारदस। अरा आस बेमार खत्रकाचस एन्ने नीम अक्का ती आस अउरिम दुक्खे सारचस।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

फिलिप्‍पी 4:4

उर्बस नू सगरो रिझ्र'आ, ऎन अउरिम ब'अदन रिझ्र'आ!

1 थेस्‍सलोनिकॆयर 1:6

अक्‍कु नीम गा कोहाँ सस्ती नू हूँ नेम्‍हा बॊलतासी रिझ गने कत्‍थन इं‍झ्रकर ती एम्‍है अरा उर्बस लेक्‍खा ऎका हेलरकर।

याकॊब 1:2

अना एंग्‍है भईरो, एका एका बारी निमा गे कैनो रकम ही सस्ती गुट्ठी मनी, आ बारी निम्है पत्त'अना ही बिढ़्रना निमा गे खतिर म‍न्नन चि'ई एन्ने अक्कर ती अदन रिझ्रना बुझुरके।

याकॊब 1:9

पत्त'ऊ भईस नॆ कीड़ा र'अस, आस धर्मेस तंगा गे चिच्का बॊलता ही मेच्‍छा ओहदा नू फुलई मन्दस नेकअन।

याकॊब 4:9

अरा निम्हा नंजका मलदौ नलख गुट्ठी चड्डे कलपार'आ अरा अउवार'आ अरा चींख़ा। निम्‍है अलखना अउवारना नू अरा निम्‍है रिझ हेन्दवारना नू बदलारअन नेकअन।

1 पतरस 3:17

मलदौ ननरकी दुक्खे चॊदना ती, धर्मेसी मने ईदिम होले, दौ नन्ना ती दुक्‍खे चॊदना कोड़हे बॆस र'ई।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।