1 पतरस 1:5 - पुना गच्छरना NT (BSI)

⁵ नीम गा आ नाड़रनन ख़क्खना गूटी निम्‍है पत्त'अना ती धर्मेस तंग्है सवंग ती निमन ख़ापालदस। आ नाड़रना छेद्दे बेड़ा नू दहदर मना गे सपड़ारकी र'ई।

1 पतरस 1:5 ပူးပေါင်းရင်းမြစ်များ

यॊहनस 12:48

नॆ एंगन ख़ाँड़ना ती एंग्‍है कत्‍था गुट्ठिन मल इंझ्रदस, आस गे ओन्टा नेंव‍ई ननुस र'अस। ऎन बाचका ई कत्‍था दिम छेद्दे उल्‍ला नू आसिन नेंव‍ई ननो।

यॊहनस 17:15

ऎन आरिन ख़ॆख़ेल ती हो'आ कला गे मल गोहरारदन, लिकिन आरिन मलदौ नाद ती ख़ापा गे गोहरारदन।

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

रोमी 11:20

मानिम दिम हिके। अबड़र मल पत्त‍'अना चड्डे खंडरकी तरकूटी नन्तारकी र'ई, अरा नीम पत्त'अना ही जोर ती दिम अक्‍कु गूटी बड़ियर र'अदर। औंगे ई चड्डे अमा फुल‍ई नना लिकिन चिहुंक र'आ।

रोमी 8:18

ऎन बुझ्रदन का नाम एका महबा हुल्‍लो नू ख़क्‍ख'ओत, अदही जोक्‍खा नू ई परिया ता नमा दुक्‍खे र'अम मलकी बेसे र'ई।

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

इफेसुस 2:8

मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

फिलिप्‍पी 1:6

अरा एंगा असरा र'ई का ई लेक्खा दौ नलखन धर्मेस निम्‍है नू ऒड़ नंजस, आस मसी येसुसी बरना उल्ला गूटी अदिन मुंजत'ओस चि'ओस।

फिलिप्‍पी 4:7

होले उर्मी बुझुरना ती गेच्‍छा र'अना धर्मेसी सान्‍ति, निम्‍है जिया गुट्ठिन अरा निम्‍है सोचना गुट्ठिन नीम मसी येसुसी र'अना ती ख़ापो।

2 तीमोथियुस 3:15

नीन ख़द्द परिया तिम धर्मेसी लिख्रका नेम्‍हा कत्‍था गुट्ठिन अक्‍कय। अबड़ा मसी येसुस नू पत्त'अना ती नाड़रनन ख़क्‍खा गे निंगा लूर चीरकी र'ई।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

इब्रानी 6:12

ऎम बेद्ददम का नीम लंडी अमा मना। लिकिन ईर लेक्‍खा र'आ का नॆ पत्त'अना अरा सहना ही चड्डे धर्मेस आर गे गच्‍छरका गच्‍छरकन ख़क्‍खियर।

इब्रानी 9:28

अन्नेम मसीस हूँ बग्‍गे आलर ही पाप गुट्ठिन ओथ्र'आ गे ओंग्‍होन दाँड़े मन्‍तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्‍द्र'ओस बर'ओस।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।

यहूदा 1:24

मूड़ना ती निमन ख़ापा उंगू, अरा निमन बिगर बदी ती तंग्है महबा निंदका अड्डा ही मुन्दहारे कोड़हे रिझ गने इजत'आ गे उंगू,