1 पतरस 1:22 - पुना गच्छरना NT (BSI)

²² अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 1:22 ပူးပေါင်းရင်းမြစ်များ

यॊहनस 15:17

नीम ओर्त ओर्त गने चोन्‍हा नना, ईदिम एंग्‍है पॆसका हवे।

यॊहनस 15:3

नीम गा ऎन निमन बाचका कत्‍था गुट्ठी ती मुन्‍द दिम छटका अरा सफा मंजकादर।

यॊहनस 17:17

नीन आरिन निंग्‍है मानी ती निमा गे नेम्‍हा कम'आ, निंग्‍है कत्‍था दिम मानिम हवे।

यॊहनस 17:19

अरा ऎन आर ही चड्डे एंगन नेम्‍हा दाँड़े बेसे निमा गे चि'अदन, का आर हूँ निंग्‍है मानी ती नेम्‍हा मना ओंग्‍नर।

त‍इरकर 15:9

अरा आस आर ही जियन पत्त'अना ती नेम्‍हा नंजस अरा नम्‍है नू अरा आर नू एन्‍देर हूँ फरक म‍ल नंजस।

त‍इरकर 6:7

तहाँ धर्मेसी कत्‍था बिंड़रनुम केरा अरा येरुसलॆम नू पत्त'ऊ आलर ही गनती बग्‍गे मन्नुम केरा। अरा बग्‍गे यहूदी नैगर हूँ पत्ताचर अरा मनचर।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

रोमी 8:13

नीम गा पाप मॆद सुबहा ही लेक्‍खा उज्‍जोर होले केच्‍च ख़च्‍चोर। लिकिन नीम नेम्‍हा बॊलतासी सवंग ती पाप मॆद सुबहा ही नलखन मल ननोर होले नीम मानिम उज्‍जनन ख़क्‍ख'ओर।

2 कोरिन्‍थ 6:6

नेम्हा र'अना नू, लूर नू, सहना नू, सोग्गे ऎरना नू, नेम्‍हा बॊलतस एम्है नू र'अना नू, मानी चोन्‍हा नू,

गलातिया 3:1

अना बोया गलातिया ता आलारो! नॆ निमन नस्‍सा? येसु मसीसिन क्रुस नू ठोकचर अदिन निम्‍है ख़न्न ही मुन्‍दहारे ऎदका रहचा।

गलातिया 5:5

एन्‍देरगेका ऎम गा नेम्‍हा बॊलता ती पत्त'अना गने धर्मेस नमा गच्छरका उजगो ख़क्‍खा गे पाब ऎरदम।

गलातिया 5:7

नीम गा एका नगदे दौ बोंगनन बोंगा लिक्‍कर। अक्‍कु निमन नॆ छेंकचा का नीम मानिमन अमा पॆस्र'आ?

इफेसुस 4:3

अरा सान्‍ति नू मेस्र'अरकी, नेम्हा बॊलतस चिच्का ओन संगे र'अनन ख़ापा गे नीम एन्देर एन्देर नना ओंग्दर उर्मिन नना।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

1 थेस्‍सलोनिकॆयर 3:12

एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

2 थेस्‍सलोनिकॆयर 2:13

अना उर्बासी चोन्‍हा भईरो, एमा निम्‍है पत्त नू सगरो धर्मेसी धन्‍यवाद चि'अना र'ई। एन्‍देरगेका निमन नाड़र'आ गे हुल्‍लो ती धर्मेस चज्‍जिकादस। नीम निमन नेम्‍हा ननू बॊलता ती अरा मानिमन पत्त'अदर ती नाड़रदर।

1 तीमोथियुस 1:3

ऎन मकेदोनिया जिला कालो बारी निंगन आनकाचकन, अन्नेम नीन इफेसुस नगरे नू ओकर'आ। अइय्या जोक्‍क आलर बिड़दो सिखाब'आलनर, आरिन अक्‍कु ती एन्ने अमा सिखाब‍आ गे आना।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 5:2

अरा पच्‍चो मुक्‍कारिन निंग्‍है अयंग बेसे नना, अरा पेल्‍लो मुक्‍कारिन सौंसे निमन गने निंग्‍है बहिन बेसे नना।

2 तीमोथियुस 1:14

निंगा पत्त'अना ती चिच्का बॆस कत्‍थन नम्‍है म‍इय्याँ मड़चकी र'ऊ नेम्‍हा बॊलतासी सवंग ती बॆस ख़ापा।

इब्रानी 11:8

पत्त'अना ती अब्राहमस, तंगा गे गच्‍छरका अड्डा काला गे धर्मेस ती मॆख़्रस, ख़ने अदिन मन्‍चस ती उरखस केरस। तान एसन काला लगियस अदिन हूँ बल्‍ला लगियस।

इब्रानी 13:1

तंग्‍है ती नन्नारिन भ‍ई बहिन बेसे चोन्‍हा नन्ना नू बन्चका र'आ।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

याकॊब 1:21

औंगे उर्मी मदहे ही सोतबोड़'आ अरा मलदौ नलखन निम्है उज्जना ती तरकूटी नना ती निम्है जिया नू धर्मेसी चाँख़का कत्‍था आबोन लुदऊ ती इंझ्र'आ। आ कत्था निम्‍है जियन नाड़ा गे सवंगिय र'ई।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

1 पतरस 2:17

ओर्मारिन मईन नना। पत्त'ऊ भईर गने चोन्‍हा नना। धर्मेसिन एल्‍चा। बॆलासिन मईन नना।

1 पतरस 3:1

अन्नेम अना मुक्‍कारो! नीम हूँ तम्है तम्‍है मॆतर ही आकुस नू र'आ। होले आर ती नेकईम धर्मेसी कत्थन मल पत्त'उर र'अना ती हूँ, नीम आर गे धर्मेसी पत्त नू तेंगना ती मला लिकिन नीम निम्है दौ उज्‍जना ओक्‍कना ती आरिन धर्मेस तरा किर्रत'आ ओंगोर दने।

1 पतरस 3:20

अबड़ा बॊलता गुट्ठी ईर हिकनर का, एका ओर्तर चिरान नू नूहसी परिया नू आस कोहाँ डोंगा कमना उल्ला गुट्ठी नू धर्मेस कोड़हे कयास गने पाब ऎरा लगियस ख़ने, आसी पॆसकन मल पॆस्रर। आ कोहाँ डोंगा नू जोक्कोर लेका आठ आलर लेका बया बहड़ी ती बछरर।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

1 पतरस 4:17

एन्देरगेका धर्मेस आलारिन नेंवई नन्ना ही बेड़ा हेद्दे अंड़सकी र'ई। ईद धर्मेसी आलर ही मझी नू मुन्द ऒरे मनो। नेंवई नन्ना मुन्द नम्है नू ऒरे मनी होले, धर्मेसी दौ कत्थन मल पॆस्र'उर ही मुंज्रना एकासे र'ओ?

1 पतरस 4:8

उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।

1 यॊहन 3:11

नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 4:12

धर्मेसिन नॆ हूँ इकला हूँ मल्ला ईरका। लिकिन नाम ओर्त ओर्त गने चोन्हा नन्दत होले, धर्मेस नम्है नू बन्चकादस, अरा आसी चोन्हा नम्है नू बड़ियर मन्र'ई।

1 यॊहन 4:20

एकअम ओर्तस “ऎन धर्मेसिन चोन्हा नन्दन” ब'अदस, लिकिन तंग्है संगे मसी भईसिन ख़ाँड़दस होले, आस ठक'उस र'अदस। एन्देरगेका तान ईरका तंग्है संगे मसी भईसिन चोन्हा मल ननुस, तान मल ईरका धर्मेसिन चोन्हा नना पोलदस।

1 यॊहन 4:7

अना दुलारो, नाम ओर्त ओर्त गने चोन्हा नन्दत नेकअन। एन्देरगेका चोन्हा धर्मेस ती बर'ई। अरा एकास चोन्हा नन्दस आस धर्मेसी ख़द्द र'अदस, अरा धर्मेसिन अख़दस।

दहदर मंजका कत्‍था 2:4

लिकिन एंगा गे निंग्हा बिड़दो नू जोक्क कत्था र'ई, नीन एंग्‍है मइय्याँ मुन्द ता लेक्खा चोन्‍हन अम्‍ब‍का चिच्का र'अदय।