1 पतरस 1:2 - पुना गच्छरना NT (BSI)

² धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

1 पतरस 1:2 ပူးပေါင်းရင်းမြစ်များ

मत्तायोस 24:22

उर्बस अबड़ा उल्‍लन मल घटा ब'अना होले, नॆ हूँ मल बछर'ओर दने। लिकिन तंग्‍है चज्जिका आलर चड्डे आस अबड़ा उल्‍लन घटा बाचकादस।

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मत्तायोस 24:31

अरा ऎन एंग्‍है पैकारिन पेंड़हे ही कोड़हे सड़ा गने तइय्योन, अरा आर मेर्ख़ा ही ई गंडा ती आ गंडा गूटी, चरियो खूंट ती एंग्‍है चज्जिका आलारिन ख़ॊंड़'ओर।

मरकुस 13:20

उर्बस अबड़ा उल्‍लन मल घटा ब'अना होले, नॆ हूँ मल बछर'ओर दने। लिकिन तंग्‍है चज्जिका आलर ही चड्डे आस अबड़ा उल्‍लन घटा बाचकादस।

मरकुस 13:22

एन्‍देरगेका जोक्‍कोर फसक‍ट'ओर ती ऎन मसी हिकदन ब'ओर अरा जोक्‍कोर फसकट'ओर ती ऎन धर्मेसी कत्‍था तिंगुर ब'ओर। अरा बेड़ाब'आ गे आर चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मरकुस 13:27

फिन ऎन एंग्‍है पैकारिन त‍इय्योन ती सौंसे ख़ॆख़ेल ती एंग्‍है चज्जिका आलारिन ख़ॊंड़'ओन।

लू‍कस 18:7

होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का?

त‍इरकर 15:18

इबड़न नॆ हुल्‍लो ती अख़ताचस।’

त‍इरकर 2:23

धर्मेसी ओक्‍ताचका चिता बुता अरा धर्मेस ती मुन्‍द बाचका कत्‍था लेक्‍खा आस सोंपतारस। आ येसुसिन नीम धरतारकी पपहर ही ख़ेक्खा ती क्रुस नू अरगकर ती पिटकर।

त‍इरकर 20:32

अक्‍कु ऎन निमन धर्मेस गे अरा आसी मया ही कत्‍था नू अम्‍बदन, आद निमन परद'आ उंगी, अरा धर्मेस नेम्‍हा मंजका उर्मी आलर नू मेस्र'अरकी आसीस चि'आ उंगी।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 11:2

धर्मेस तंग्‍‍है आलारिन एकदन आस मुन्द दिम चज्जिकाचस आरिन मल अम्‍बा ख़च्‍चियस। एन्‍देर नीम बलदर का? नेम्‍हा पुथी धर्मेसी कत्‍था तिंगू एलियसी पत्त नू एन्‍देर ब'ई, एकासे आस धर्मेसिन इस्राऎलर ही बिड़दो नू गोहरारस।

रोमी 11:28

यहूदीर दौ कत्‍थन इंझ्र'आ गे मने मल नन्नर, औंगे आर धर्मेसी बैरी हिकनर। इदही चड्डे नन-यहूदीर दौ ख़क्‍खियर। लिकिन चाजरना ही चड्डे अरा आर ही पूरखर अब्राहम, इसाक, अरा याकॊबस गे चिच्का गच्‍छरना ही चड्डे धर्मेस आर म‍इय्याँ अक्‍कु गूटी चोन्‍हा नन्‍दस।

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

रोमी 16:19

निम्‍है मनना ही पत्त ओर्मा आलर नू बीड़रकी किरकी र'ई, औंगे ऎम निम्‍है पत्त नू रिझ्रदन। लिकिन ऎन बेद्ददन का नीम दौ गे लूरगर अरा मलदौ गे भ‍कुवा मना।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

रोमी 8:13

नीम गा पाप मॆद सुबहा ही लेक्‍खा उज्‍जोर होले केच्‍च ख़च्‍चोर। लिकिन नीम नेम्‍हा बॊलतासी सवंग ती पाप मॆद सुबहा ही नलखन मल ननोर होले नीम मानिम उज्‍जनन ख़क्‍ख'ओर।

रोमी 8:33

नॆकन धर्मेस चज्जिकादस, आरिन नॆ दोस ठेकाब'आ ओंगोर? नॆ हूँ पोल्‍लोर, एन्‍देरगेका धर्मेस दिम आरिन उजगो आल नंजका‍दस।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

2 कोरिन्‍थ 13:14

उर्बस येसु मसीसी मया अरा धर्मेसी चोन्हा अरा नेम्‍हा बॊलतासी मेस्रका नीम ओर्मर गने र'अन नेकअन।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

2 थेस्‍सलोनिकॆयर 2:13

अना उर्बासी चोन्‍हा भईरो, एमा निम्‍है पत्त नू सगरो धर्मेसी धन्‍यवाद चि'अना र'ई। एन्‍देरगेका निमन नाड़र'आ गे हुल्‍लो ती धर्मेस चज्‍जिकादस। नीम निमन नेम्‍हा ननू बॊलता ती अरा मानिमन पत्त'अदर ती नाड़रदर।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

इब्रानी 11:28

पत्त'अना ती आस कट्टना अरा बली ही चौकट नू ख़ॆंस छिंछड़'अना आबोन ऒर नना गे इस्राऎल आलर गे पॆसका चिच्‍चस। औंगे पिटना पैकस इस्राऎल आलर ही जेट्ठा ख़द्दारिन अम्‍बोस पिटा।

इब्रानी 12:24

अरा नीम पुना गच्‍छरना नू धर्मेस अरा आलर ही मझी आल येसुस गुसन बरचकादर। अरा नीम हाबेलसी ख़ॆंस ती बॆस कत्‍था तिंगू येसुसी छिंछड़ाचका ख़ॆंस गुसन बरचकादर।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

1 पतरस 1:19

लिकिन नीम बिगर बदी अरा बिगर पाप ही भेंडो ख़द्द लेक्खा मसीसी कोड़हे दाम ही ख़ॆंस ती नाड़रकादर।

1 पतरस 1:20

आस ख़ॆख़ेल गढ़्रना ही मुन्द तिम चाजरकाचस। लिकिन इबड़ा मुंजा ता बेड़ा गुट्ठी नू निमा गे दहदर मन्तारकादस।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

2 पतरस 1:2

धर्मेसिन अरा नम्है उर्बा येसुसिन अख़ना लूर ती निमा गे मया अरा कोड़े बग्गे ती बग्गे मन्नुम कालन नेकअन।

2 यॊहन 1:1

ई चिठी ऎन यॊहन सेयान आलन तरती र'ई। ऎन इदन धर्मेस ती चज्ज्रका मुध आली अरा अदही ख़द्दर गे लिखदन। मानिम नू ऎन निमन चोन्हा नन्दन। ऎन लेका मला, एकार धर्मेसी मानिमन अख़नर, अबड़ा ओर्मर निमन चोन्हा नन्नर।

2 यॊहन 1:13

निंग्है बहिन एकाद धर्मेस ती चज्ज्रकी र'ई, अदही ख़द्द-ख़र्रर निंगन मोंजरा नन्नर।

यहूदा 1:2

धर्मेस निमा गे सोग्गे अरा सान्ति अरा चोन्हा कोड़हे ती कोड़हे चि'अदस नेकअन।