1 पतरस 1:12 - पुना गच्छरना NT (BSI)

¹² आर गे तेंगतारा केरा का इबड़ा कत्था गुट्ठी तम्है उज्जना बेड़ा नू मल मनो, लिकिन बग्गे चाँन ही ख़ॊख़ा निम्है बेड़ा नू मनो। अरा मेर्ख़ा ती तइरका नेम्हा बॊलतासी सवंग ती निमा गे दौ कत्था तिंगुर ती अक्कुन ई दौ कत्था मेन्तारकी र'ई। ईद कोड़हे बॆस हवे का मेर्ख़ा पैकर हूँ इबड़ा कत्‍था गुट्ठी मन्नन ऎरा गे चिबाख़ारनर।

1 पतरस 1:12 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मरकुस 16:15

अरा आस आरिन आनियस, “सौंसे ख़ॆख़ेल नू कला अरा उर्मी आलर गे दौ कत्‍थन मेन्‍त'आ।

लू‍कस 15:10

ऎन निमन ब'अदन, एन्नेम ओन्‍टा जियन किर्ताचका आलासी पत्त नू धर्मेसी पैकर ही मुन्‍दहारे रिझी मनी।”

लू‍कस 2:26

नेम्‍हा बॊलतस आसिन एन्ने बाचकाचस का एका गूटी आस उर्बासी मसीसिन माल ऎरोस आ गूटी आस मल खे'ओस।

लू‍कस 9:6

अरा चेलर उरखर ती पद्दा पद्दा दौ कत्‍था मेन्‍त'आनुम अरा उर्मी अड्डा आलारिन उजग'आ नुम केरस।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

त‍इरकर 10:44

इबड़ा कत्‍था गुट्ठिन पतरस तेंगा लगियस ख़नेम, कत्‍थन मिनू आलर म‍इय्याँ नेम्‍हा बॊलतस इत्तियस।

त‍इरकर 16:10

पौलुसी ई देखार ईरका ख़ॊख़ा ऎम लॆम मकेदोनिया काला बिद्दकम। अरा ऎम बुझ्रकम का धर्मेस एमन आरिन दौ कत्‍था तेंगा गे मीख़कादस।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

त‍इरकर 4:31

इकला आर गोहरारका रहचर अन्नेम आर ख़ॊंड़रका रहचर आ अड्डा नुक्रा केरा, अरा अबड़र जम्मर नेम्‍हा बॊलतस ती निन्‍दियर ती धर्मेसी कत्‍थन डिढ गने तेंगा हेलरर।

त‍इरकर 4:8

ख़ने पतरस नेम्‍हा बॊलतस नू मंजस ती आरिन बाचस, “आलर ही मुद्धारो अरा सेयान आलारो!

त‍इरकर 8:25

पतरस अरा यॊहनस तम्‍है गोवाह अरा उर्बासी कत्‍थन तिंका ख़ॊख़ा येरुसलॆम किर्रियर। अरा आर येरुसलॆम किर्रो बारी समारिया ही कैनो पद्दा नू दौ कत्‍था तेंगा कुद्दियर।

रोमी 1:15

औंगे ऎन नीम रोम नगरे ता आलारिन हूँ दौ कत्‍थन तेंगा गे सपड़ारकादन।

रोमी 1:17

नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

रोमी 10:15

अरा आस मल त‍इर'ओस होले आस एकासे तेंगा कुद्दू मनोस? नेम्‍हा पुथी नू लिख्रकी र'ई, “दौ कत्‍था तिंगू आलर ही ख़ेड्डे ऎ कोड़हे सुभ'ई।”

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

1 कोरिन्‍थ 2:10

लिकिन धर्मेस तंग्‍है नेम्‍हा बॊलतस ती अबड़न नमा गे दहदर नंजस, एन्‍देरगेका नेम्‍हा बॊलतस उर्मी कत्‍थन अरा धर्मेसी ख़ोड़ख़ा गम कत्‍थन हूँ अगम'ई।

2 कोरिन्‍थ 1:22

आस नम्‍है उर्बस एन्ने ऎद'आ गे आस नम्‍है मइय्याँ छाप चिच्कादस, अरा बयाना नू नम्‍है जिया नू आसी नेम्‍हा बॊलतासिन चिच्कादस।

2 कोरिन्‍थ 6:6

नेम्हा र'अना नू, लूर नू, सहना नू, सोग्गे ऎरना नू, नेम्‍हा बॊलतस एम्है नू र'अना नू, मानी चोन्‍हा नू,

गलातिया 1:12

ऎन अदिन एकअम आलस ती मल्‍ला इंझ्रका, अरा एकअम आलस ती हूँ मल्‍ला सिख्रका, आद एंगा येसु मसीस दहदर नंजस ख़ने ख़क्‍ख्रा।

गलातिया 1:16

अरा आस एग्‍है नू अरा एंग्‍है ती तंग्दासिन दहदर नना गे हुकमारस। एकत्रु ऎन नन-यहूदीर नू तंग्‍दासी दौ कत्‍थन तेंगा कुद्दोन। इदही ख़ॊख़ा ऎन एक‍अम आलर ती सलहा मल्‍ला मंजका।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

इब्रानी 11:13

पत्त'अना ती उज्‍जका इबड़ा ओर्मा आलर खे'अना बेड़ा नू हूँ आ पत्त'अना ती केच्‍चर। एन्‍देरगेका गच्‍छरका आलॊ गुट्ठिन आर आ बेड़ा नू मल ख़क्‍खियर। लिकिन अबड़न गेच्‍छा तिम ईरियर अरा परघाचर ती रिझ्रर। अरा आर इंझ्रर का आर ख़ॆख़ेल नू बहरीतर अरा नन-राजियतर।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

इब्रानी 4:2

एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।

1 पतरस 1:25

लिकिन उर्बासी कत्‍था गा सदौ बन्चकी र'ई।” ईदिम दौ कत्था ही कत्था, एकदा निमा तेंगरा।

1 पतरस 4:6

इदगेम अक्कुन केचका पत्त'ऊ आलर गे हूँ आर उज्जना बारी नू दौ कत्था तेंगतारा केरा। आर कया ती गा उर्मी आलर गे मन्ना नेंवई ही लेक्खा केचका र'अनर, अन्नु हूँ बॊलता ती गा धर्मेसी चिताबुता ही लेक्खा अउरिम उज्जा ओंगोर।

दहदर मंजका कत्‍था 5:11

फेन ऎन अउरिम ईरकन ख़ने, लाखों करोड़ो मेर्ख़ा पैकर ही सड़न बॆल-गदिया अरा अबड़ा उज्‍जना आलॊ ही अरा अबड़ा सेयान आलर ही ओनबेंड़र'आ मेंजकन।