1 ऎन पतरस येसु मसीसी तइरकन रॊम चक पोन्तोस अरा गलातिया अरा कप्पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।
बारो तइरकर ही नामे एन्ने र'ई: मुन्द ता सिमॊन, नॆ पतरस बारदस अरा आसी भइय्योस अन्द्रेयस अरा जेबदयुसी तंग्दस याकॊब अरा आसी भइय्योस यॊहन
उर्बस अबड़ा उल्लन मल घटा ब'अना होले, नॆ हूँ मल बछर'ओर दने। लिकिन तंग्है चज्जिका आलर चड्डे आस अबड़ा उल्लन घटा बाचकादस।
येसुस गलिलेया समुदर ही पिंडी नू कुद्दा लगियस ख़ने, आस सिमॊन नॆ पतरस बारदस अरा आसी भइय्योस अन्द्रेयस ऎंड़ भईरिन समुदर नू जल्ली हेबड़ना ईरयस, आर गा केवँटर रहचर।
होले एन्देर धर्मेस तंग्है चज्जिका आलारिन नॆ उल्ला माख़ा आसिन गोहरारते र'अनर आर गे नेंवई तिजाम मल ननोस का? एन्देर आस आर ही पत्त नू दिरी ननोस का?
अरा आ राजी गे लेका मला, छितिर बितिर मंजका धर्मेसी आलारिन हूँ ख़ॊंड़'अरकी ओन्टम मना गे हूँ खे'आ कादस।
ख़ने यहूदी मुद्धर ताम तामिम बाचर, “ईस एक्सन क'ओस, ख़ने नाम ईसिन बेद्दा पोल्लोत? ईस नन्ना राजी गुट्ठी नू युनानीर मझी नू उज्जू नम्है आलर गुसन क'ओस ती युनानीरिन सिखाब'ओस का?
असन अकुलास नामे ओन्टा यहूदी आलासिन ख़क्खियस। अकुलासी जनम पोन्तोस राजी नू मंजकी रहचा। आस तंग्आली प्रिसका गने जोक्क उल्ला मुन्द इताली देस ती बरचका रहचस, एन्देरगेका कोहाँ बॆल क्लौदियोस जम्मा यहूदीरिन रोम राजी ती किर्रिमबि'आ गे पॆसकाचस। पौलुस आर गने भेंटारस।
फिन पौलुस जोक्क उल्ला अन्तियोख़ेया नू रहचस। तहाँ आस गलातिया अरा फ्रुगिया चक मन्नुम ती अड्डा अड्डा कुद्दनुम उर्मी पत्त'ऊ आलारिन बड़ियर नंजस।
दुई बछर गूटी एन्नेम मना लगिया। औंगे आसिया देस ता ओर्मा आलर यहूदी अरा नन-यहूदी आलर उर्बासी कत्थन मेंजर।
तहाँ बिट्ठी नन्ना ती अम्बरका आलर ही गोड़हा एड़पा ता जोक्कोर स्तेफनोसी बिड़दो नू चॊचर ती आनानख्र'आ हेलरर। आर कुरॆनॆ अरा अलेक्सन्द्रिया अरा किलिकिया अरा आसिया ता यहूदी आलर रहचर।
एकार छितिर बितिर मंजका रहचर आर एसन एसन केरर असन दौ कत्था तेंगा लगियर।
आसिया जिला ता कलीसिया गुट्ठी निमन मोंजरा नन्नर। अकुलास अरा प्रिसका अरा आर ही एड़पा नू ओक्कना कलीसिया निमन उर्बस नू कोड़हे मोंजरा नन्नर।
अना भईरो, ऎम आसिया चक नू एका दुक्खेन भोगचकम, अदन नीम बल्लुर लेक्खा र'आ गे ऎम मल बेद्ददम। ऎम एन्ने कोड़हे बोझा ती कजरकचकम, अरा आद एम्है सहना ती कोहाँ रहचा का एम्है उज्जना ही असरा हूँ मल रहचा।
अरा तइरका पौलुस एंग्है तरती अरा एंग्है संगे र'अनर अबड़ा भईर तरती हूँ गलातिया चकभार नू र'ई अबड़ा कलीसिया गुट्ठी गे ई चिठिन तइय्दम।
आ बारी नीम एकासे रहचकर अदिन सुरता नना। आ बारी नीम मसीस ती गेच्छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्छरना गुट्ठिन बल्ला लिक्कर। अरा नीम असरा मलका आलर, अरा धर्मेस मलका आलर लेक्खा ख़ॆख़ेल नू उज्जकर।
औंगे अक्कु नीम नन-राजीतर अरा सुगबासुर मलदर। लिकिन नीम नेम्हा आलर गने ओन्टे राजी नू ओक्करना ही अदिया ख़क्ख्रका अरा धर्मेसी एड़पा ता आलर मंजकादर।
नीन अख़दय का आसिया राजी ता पत्त'ऊ आलर ओर्मर एंगन ती किर्रका केरका र'अनर। कोड़हे गा फुगेलोस अरा हेरमोगेनेस हों आर नू र'अनर।
पत्त'अना ती उज्जका इबड़ा ओर्मा आलर खे'अना बेड़ा नू हूँ आ पत्त'अना ती केच्चर। एन्देरगेका गच्छरका आलॊ गुट्ठिन आर आ बेड़ा नू मल ख़क्खियर। लिकिन अबड़न गेच्छा तिम ईरियर अरा परघाचर ती रिझ्रर। अरा आर इंझ्रर का आर ख़ॆख़ेल नू बहरीतर अरा नन-राजियतर।
धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।
अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।
ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।
आ सड़ा एन्ने बाचा का, “एन्देर एन्देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”