1 यॊहन 5:9 - पुना गच्छरना NT (BSI)

⁹ नाम आलर ही गोवाहन पत्त'अदत। अन्ने होले धर्मेसी गोवाह गा अत्रु ती कोहाँ र'ई। एन्देरगेका धर्मेस तंग्है ख़द्दासी पत्त नू चिच्का गोवाह ईदिम हवे।

1 यॊहन 5:9 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

यॊहनस 10:38

लिकिन ऎन अदन नन्‍दन होले, नीम एंगन मल पत्त'अदर होले हूँ अजगुत नलखन पत्त'आ। ख़ने नीम अख़'ओर अरा बुझुर'ओर का बंगस एंग्‍है नू र'अस अरा ऎन बंगस नू र'अदन।”

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

त‍इरकर 5:32

ऎम इबड़ा कत्‍था ही गोवाह हिकदम, अरा धर्मेस तंगन पॆस्र'उर गे चिच्का नेम्‍हा बॊलतस हूँ गोवाह र'अदस।”

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

इब्रानी 6:18

औंगे धर्मेस गच्‍छरस अरा किरया मोक्‍खस। इबड़ा ऎंड़ कत्‍था मल बदलार'ओ, एन्‍देरगेका धर्मेस ती ठकवा ब'अना कहियों मल मनो। औंगे नम्‍है मुन्‍दहारे उइय्का र'ई आ असरा आबोन ख़क्‍खा गे नाम धर्मेस हेद्दे बोंगालदत। नमन बड़ियर गने रिझ्रत'आ गे धर्मेस एन्ने नंजस।

1 यॊहन 5:10

एकास धर्मेसी ख़द्दस मइय्याँ पत्त'अदस, आस तंग्है जिया नू अख़दस का धर्मेसी ई गोवाह मानिम र'ई। अरा एकास धर्मेसिन मल पत्त'अदस, आस धर्मेसिन ठकवा कमदस, एन्देरगेका धर्मेस तंग्है ख़द्दासी पत्त नू तिंका गोवाहन आस मल पत्ताचस।

1 यॊहन 5:8

नेम्हा बॊलतस, अरा अम्मु, अरा ख़ॆंस इबड़ा तिनियों ओन्टेम गोवाहन चि'ई।