1 यॊहन 5:8 - पुना गच्छरना NT (BSI)

⁸ नेम्हा बॊलतस, अरा अम्मु, अरा ख़ॆंस इबड़ा तिनियों ओन्टेम गोवाहन चि'ई।

1 यॊहन 5:8 ပူးပေါင်းရင်းမြစ်များ

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मरकुस 14:56

नगदे आलर आसी बिड़दो नू ठकना गोवाह चि'आलियर, लिकिन आर ही गोवाह ओन बेसे मल रहचा।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 19:34

लिकिन सैनर ती ओर्तोस आसी पंजरन बरछी ती जोबचस, ख़ने लॆम ख़ॆंस अरा अम्मु उरखा।

त‍इरकर 15:15

धर्मेसी कत्‍था तिंगुर ही कत्‍था हूँ इदही गने ओन्‍टम उक्‍की। एन्ने लिख्रकी र'ई का,

रोमी 8:16

नाम धर्मेसी ख़द्द-ख़र्रा एन्ने नेम्‍हा बॊलतस नम्‍है बॊलता गने मेसर'अरकी तेंगदस।

2 कोरिन्‍थ 1:22

आस नम्‍है उर्बस एन्ने ऎद'आ गे आस नम्‍है मइय्याँ छाप चिच्कादस, अरा बयाना नू नम्‍है जिया नू आसी नेम्‍हा बॊलतासिन चिच्कादस।

इब्रानी 13:12

एन्ने लेक्‍खा येसुस हूँ नगरे ही बहरी दुक्‍खे भोगचस ती तंग्‍है ख़ॆंस ती आलारिन नेम्‍हा नंजस।

इब्रानी 6:4

एन्‍देरगेका नॆ ओंग्‍होन धर्मेसी बिल्‍ली नू रहचकर अरा धर्मेसी आसीस आबोन अगमाचकानर अरा तम्‍है बटा ही नेम्‍हा बॊलतासिन ख़क्‍खकानर,

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।

1 यॊहन 5:9

नाम आलर ही गोवाहन पत्त'अदत। अन्ने होले धर्मेसी गोवाह गा अत्रु ती कोहाँ र'ई। एन्देरगेका धर्मेस तंग्है ख़द्दासी पत्त नू चिच्का गोवाह ईदिम हवे।