2 इत्रु नाम अख़दत का, नाम धर्मेसिन चोन्हा नन्दत ती आसी पॆसका गुट्ठिन पॆस्रदत ख़ने, नाम धर्मेसी ख़द्दारिन चोन्हा नन्दत।
नीम ओर्त ओर्त गने चोन्हा नना, ईदिम एंग्है पॆसका हवे।
नाम धर्मेसी पॆसका गुट्ठिन पॆस्र'ओत होले, अत्रु नाम अक्ख ख़च्चोत का नाम आसिन अक्ख ख़च्चिका र'अदत।
लिकिन एकास धर्मेसी कत्थन पॆस्रदस ती उज्जदस, आस ऎद्ददस का धर्मेस आसिन मानिम अरा बड़ियर लगे चोन्हा नन्दस। नाम धर्मेस नू र'अदत एन्ने ईद ती अख़दत।
नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।
एका ओर्तस धर्मेस गने चोन्हा नन्दस, आस गे तंग्है संगे मसी भईस गने हूँ चोन्हा नन्ना र'ई। ई पॆसकन दिम नाम धर्मेस ती ख़क्खकादत।