1 यॊहन 5:13 - पुना गच्छरना NT (BSI)

¹³ धर्मेसी ख़द्दासी नामे नू पत्त'ऊ निमा गे ऎन इबड़ा कत्थन लिखचकादन। होले नीम अख़'आ ओंग्दर का निमा गे जनमजुग ही उज्जना र'ई।

1 यॊहन 5:13 ပူးပေါင်းရင်းမြစ်များ

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 2:23

येसुस कट्टना परब बारी येरुसलॆम नू रहचस ख़ने, ढ़ॆर आलर आसी ती मंजका अजगुत नलख ही चिन्‍हा गुट्ठिन ईरियर ती आसी नू पत्ताचर।

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 21:24

आ चेलस दिम इबड़ा कत्‍था ही पत्त नू गोवाह चि'अरकी इबड़ा कत्‍थन लिखचस। ऎम अख़दम का आसी गोवाह मानिम र'ई।

यॊहनस 3:18

नॆ धर्मेसी ख़द्दस नू पत्त'अदस, आस गे दंडे ही नेंव‍ई मल मनी। लिकिन नॆ आस नू मल पत्त'अदस, आस गे दंडे ही नेंव‍ई मंज ख़च्‍चकी र'ई, एन्‍देरगेका आस धर्मेसी ओर्त लेका ख़द्दासी नामे नू मल पत्त'अदस।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

त‍इरकर 3:16

अरा आ येसु मसीस मइय्याँ ता पत्त'अना ती अरा आसी नामे तिम ई आलस पैया ख़क्खियस, नॆकन नीम अख़दर अरा ऎरदर। अरा येसुसी म‍इय्याँ ता पत्त'अना आद दिम नीम ओर्मर ही मुन्‍दहारे ईसिन दौ गने कोड़े नंजकी र'ई।

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

2 कोरिन्‍थ 5:1

नाम अख़दत का नम्है मॆद एकदा इसन ई ख़ॆख़ेल नू नाम उज्जना एड़पा धस्‍तार'ओ कालो, लिकिन नमा गे धर्मेस तरती मेर्ख़ा नू आलर ती मल कम्रका ओन्टा एड़पा र'ई, आद जनमजुग र'ओ।

गलातिया 4:6

अरा नीम गा धर्मेसी ख़द्दर हिकदर। धर्मेस तंग्‍दासी बॊलतन नम्‍है जिया नू त‍इय्‍कादस। औंगे आस चिच्चियारदस ती मॆख़दस “अना बबा, अना बंगायो।”

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

1 यॊहन 1:4

ऎम इबड़ा कत्थन इदगे लिखदम का एम्है रिझ पुरा मनन कालन नेकअन।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

1 यॊहन 2:21

नीम मानी आबोन बलना ती मला, नीम मानी आबोन अख़ना ती, अरा एकअम ठकना मानी तरती मल बर'ई इदन नीम अख़ना ती दिम ऎन इदन निमा गे लिखदन।

1 यॊहन 2:25

जनमजुग उज्जनन चि'ओन एन्ने आस नम्है गने गच्छरस, ईदिम आसी गच्छरना हवे।

1 यॊहन 2:26

नॆ निमन बेड़ाब'आ बेद्दनर, आर ही पत्त नू ऎन निमन इबड़ा कत्थन लिखचकादन।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 4:9

धर्मेस तंग्है ओन्टे लेका ख़द्दासिन ख़ॆख़ेल नू इदगे तइय्यस का नाम आसी ती जमनजुग उज्जनन ख़क्खा ओंग्दत। इत्रु धर्मेस नम्है मइय्याँ मंजका चोन्हन दहदर नंजस।

1 यॊहन 5:10

एकास धर्मेसी ख़द्दस मइय्याँ पत्त'अदस, आस तंग्है जिया नू अख़दस का धर्मेसी ई गोवाह मानिम र'ई। अरा एकास धर्मेसिन मल पत्त'अदस, आस धर्मेसिन ठकवा कमदस, एन्देरगेका धर्मेस तंग्है ख़द्दासी पत्त नू तिंका गोवाहन आस मल पत्ताचस।

1 यॊहन 5:11

अरा आ गोवाह ईद र'ई का, धर्मेस नमा गे जनमजुग उज्जनन चिच्कादस, अरा ई उज्जनन नाम आसी ख़द्दस तरती ख़क्खदत।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।