1 यॊहन 5:1 - पुना गच्छरना NT (BSI)

¹ एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

1 यॊहन 5:1 ပူးပေါင်းရင်းမြစ်များ

मत्तायोस 16:16

ख़ने सिमॊन पतरस आनाकिर्ताचस, “नीन मसी, उज्‍जना धर्मेसी ख़द्दय हिकदय।”

लू‍कस 7:5

एन्‍देरगेका आस नमन यहूदीरिन चोन्‍हा नन्‍दस, अरा एमा गे ओन्‍टा गोड़हा एड़पन कमचका र'अदस।”

यॊहनस 1:3

उर्मी आलॊ आसी तिम गढ़रा, अरा गढ़्रका ती ओन्‍टा हूँ आसी बिगर मल्‍ला गढ़्रका।

यॊहनस 15:23

नॆ एंगन हींड़दस, आस एंग्‍है बंगासिन हूँ हींड़दस।

यॊहनस 3:3

येसुस आसिन आनाकिर्ताचस, “ऎन निंगन मानिमन ब'अदन, नीकईम अउरिम मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।”

यॊहनस 6:69

ऎम पत्त'अदम अरा अख़दम का नीन धर्मेसी नेम्‍हा आलय।”

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

त‍इरकर 8:36

आर कानुम कानुम ओन अड्डा नू अम्मु गुसन अंड़सियर। ख़ने मंत्रीस बाचस, “ऎरा, इसन‍ अम्मु र'ई, एंगा नॊड़र'आ गे एन्‍देर बधा र'ई?”

त‍इरकर 8:37

[फिलिप्‍पोस बाचस, “नीन सौंसे जिया ती पत्त'अदय होले नीन नॊड़र'आ ओंग्दय।” मंत्रीस बाचस, “ऎन पत्त'अदन का येसु मसीस धर्मेसी ख़द्दस हिकदस।”]

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

1 यॊहन 2:10

एका ओर्तस तंग्है संगे मसी भईसिन चोन्हा नन्दस, आसिम बिल्ली नू र'अदस, अरा नन्नारिन मूड़त'अना एन्देर कत्था हूँ आस नू मलकी।

1 यॊहन 2:29

धर्मेस उजगो र'अस एन्ने नीम अक्का र'अदर होले, एन्द्रा उजगो र'ई अदन ननू ओर्मर धर्मेसी ख़द्दर र'अनर एन्ने हूँ अक्का र'अदर।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।

1 यॊहन 3:17

एकअम आलस ई ख़ॆख़ेल ता धन खुर्जी र'ऊ र'अना ती तंग्है संगे मसी भईस चाड़ नू र'अनन ईरका ती हूँ, आस आसी मइय्याँ सोग्गे मल ऎरदस होले, ईद इदन सेब्बा ईद'ई का आस नू धर्मेसी चोन्हा मलकी।

1 यॊहन 3:9

एका ओर्तस धर्मेसी ख़द्द मंजका र'अदस, आस पाप नन्तेम मल र'अदस, एन्देरगेका धर्मेसी सुबहा आसी नू र'ई। आस धर्मेसी ख़द्द मंजका ती आस पाप नन्नुम र'आ पोलदस।

1 यॊहन 4:2

धर्मेसी बॊलतन ख़क्खका धर्मेसी कत्था तिंगुरिन नीम एकासे अख़'आ ओंग्दर का: ओर्त धर्मेसी कत्था तिंगुस येसु मसीस मानिम आल मंजस ती बरचस एन्ने तेंग्रदस होले, आस नू धर्मेसी बॊलतस र'अदस।

1 यॊहन 4:20

एकअम ओर्तस “ऎन धर्मेसिन चोन्हा नन्दन” ब'अदस, लिकिन तंग्है संगे मसी भईसिन ख़ाँड़दस होले, आस ठक'उस र'अदस। एन्देरगेका तान ईरका तंग्है संगे मसी भईसिन चोन्हा मल ननुस, तान मल ईरका धर्मेसिन चोन्हा नना पोलदस।

1 यॊहन 4:7

अना दुलारो, नाम ओर्त ओर्त गने चोन्हा नन्दत नेकअन। एन्देरगेका चोन्हा धर्मेस ती बर'ई। अरा एकास चोन्हा नन्दस आस धर्मेसी ख़द्द र'अदस, अरा धर्मेसिन अख़दस।

1 यॊहन 5:18

नाम अख़दत का एका ओर्तस धर्मेसी ख़द्द मंजकादस, आस पाप नन्नुम मल र'अदस। एन्देरगेका धर्मेसी ख़द्दस आसिन ख़ापदस, अरा मलदौ आबोन नन्त'उस सैतान आसिन एंसड़'आ पुल्ली।

1 यॊहन 5:4

एकास धर्मेसी ख़द्द र'अदस, आस सौंसार ही मलदौ गुट्ठी ही मइय्याँ जीत ख़क्खा ओंग्दस। मसीस मइय्याँ ता नम्है पत्त'अना ती दिम नाम सौंसार ही मलदौ गुट्ठी ही मइय्याँ जीत ख़क्खदत।

1 यॊहन 5:5

सौंसार ही मलदौ गुट्ठी ही मइय्याँ जीत ख़क्ख'ऊ नॆ तंग्है? नॆ येसुसिन धर्मेसी ख़द्दस एन्ने पत्त'अदस, आसिम लेका सौंसार ही मलदौ गुट्ठी ही मइय्याँ जीत ख़क्खदस।