1 यॊहन 4:4 - पुना गच्छरना NT (BSI)

⁴ अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।

1 यॊहन 4:4 ပူးပေါင်းရင်းမြစ်များ

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 16:11

अरा ई ख़ॆख़ेल ही उर्बस नेंव‍ई मंज ख़च्चिका ती नेंव‍ई ही पत्त नू आस तेंगोस।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

रोमी 8:31

तहाँ नाम इबड़ा कत्‍था ही पत्त नू एन्‍देर ब'ओत? धर्मेस नम्‍है तरा र'अस होले, नम्‍है बिड़दो नॆ मना ओं‍गोर?

रोमी 8:37

लिकिन इबड़ा उर्मी कत्‍था गुट्ठी नू नाम धर्मेस ती एकास नमन चोन्‍हा नंजकादस जितनन ख़क्‍खका ती हूँ कट्टिका र'अदत।

1 कोरिन्‍थ 2:12

अक्‍कुन नाम ई ख़ॆख़ेल ता बॊलतन मला, लिकिन धर्मेस ती बरचका बॊलतन ख़क्‍खकादत, इत्रु ती नाम धर्मेस नमा गे सिथिया नू चिच्का दौ जिनिस गुट्ठिन अख़'आ ओंग्दत।

1 कोरिन्‍थ 6:13

“ओन्ना-मॊख़ना कूल गे, अरा कूल ओन्ना-मॊख़ना गे हवे” एन्ने हूँ नीम ब'आ ओंग्दर। लिकिन धर्मेस एंड़ानिम उन्‍दुल नाठाब'ओस। लिकिन मॆद गा पेहरन ही सोतरा नलख गे मला, आद उर्बस गे दिम हवे। अरा उर्बस हूँ नम्‍है मॆद म‍इय्याँ तिहा ननू र'अदस।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 6:16

धर्मेसी मन्दिर गे मूर्ति गुट्ठी गने एन्‍देर नता? नाम गा उज्‍जना धर्मेसी मन्दिर हिकदत। एकासे का, धर्मेस बाचकादस, “ऎन आर नू ओक्र'ओन, अरा आर ही मझी नू कुद्दोन नुंगोन, अरा ऎन आर ही धर्मे र'ओन, अरा आर एंग्है आलर र'ओर।”

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

इफेसुस 6:10

छेद्द नू ऎन एन्देर ब'अदन का उर्बस नू अरा आसी कोड़हे पया नू सवंगिय मना।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

1 यॊहन 2:13

अना बंगारो! एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।

1 यॊहन 3:20

नम्है जिया दिम नमन बदी नन्त'ई होले, धर्मेस नम्है जिया ती कोहँस र'अदस, अरा आस उर्मिन अख़दस।

1 यॊहन 3:24

एकास धर्मेसी पॆसका गुट्ठिन पॆस्रदस, आस धर्मेस गने मेस्रना नू बन्चकादस, अरा धर्मेस हूँ आस गने मेस्रना नू बन्चकादस। धर्मेस नमा गे चिच्का नेम्हा बॊलतस ती नाम इदन अख़दत का धर्मेस नम्है गने मेस्रना नू बन्चकादस।

1 यॊहन 4:13

धर्मेस तंग्है बॊलतासिन नमा गे चिच्कादस। इत्रुम नाम अख़दत का नाम आस नू बन्चकादत, अरा आस नम्है नू बन्चकादस।

1 यॊहन 4:16

अरा धर्मेस नम्है मइय्याँ नंजका चोन्हन नाम अक्कादत अरा पत्ताचकादत। धर्मेस चोन्हा हिकदस। एकास चोन्हा नू बन्चकादस आस धर्मेस नू बन्चकादस, अरा धर्मेस हूँ आस नू बन्चकादस।

1 यॊहन 4:6

ऎम धर्मेसी हिकदम, अरा नॆ धर्मेसिन अख़दस आस एम्है कत्थन मेन्दस। अरा नॆ धर्मेसी मलदस आस एम्है कत्थन मेना मल बेद्ददस। नाम इत्रु तिम नॆ मानी ही बॊलतन ख़क्खकादर अरा नॆ बेहड़'अना ही बॊलतन ख़क्खकानर एन्ने लखदत हो'अदत।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।

1 यॊहन 5:4

एकास धर्मेसी ख़द्द र'अदस, आस सौंसार ही मलदौ गुट्ठी ही मइय्याँ जीत ख़क्खा ओंग्दस। मसीस मइय्याँ ता नम्है पत्त'अना ती दिम नाम सौंसार ही मलदौ गुट्ठी ही मइय्याँ जीत ख़क्खदत।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।