1 यॊहन 4:21 - पुना गच्छरना NT (BSI)

²¹ एका ओर्तस धर्मेस गने चोन्हा नन्दस, आस गे तंग्है संगे मसी भईस गने हूँ चोन्हा नन्ना र'ई। ई पॆसकन दिम नाम धर्मेस ती ख़क्खकादत।

1 यॊहन 4:21 ပူးပေါင်းရင်းမြစ်များ

मत्तायोस 5:43

नीम एन्ने नॆगन हूँ मेंजकादर का, ‘निंग्‍‍है अरबर-परबारिन चोन्‍हा नना अरा निंग्‍‍है बैरीरिन खींस नना।’

लू‍कस 10:37

नॆग सिखाब'उस बाचस, “नॆ आसिन सोग्‍गे ईरियस आसिम हिकदस।” ख़ने येसुस आसिन बाचस, “कला नीन हूँ एन्नेम ननके।”

यॊहनस 15:12

एंग्‍है पॆसका ईद का एकन्ने ऎन निमन चोन्‍हा नंजकन अन्नेम नीम ओर्त ओर्त गने चोन्‍हा नना।

गलातिया 5:14

एन्‍देरगेका सौंसे नॆग ई ओन्‍टे पॆसका नू मंज ख़च्‍चिया, “नीन निंग्‍है अरबर-परबर गने निंग्‍है बेसे चोन्‍हा नना।”

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

1 थेस्‍सलोनिकॆयर 4:9

अउर हूँ ऎम निमा गे भईरिन चोन्‍हा नन्ना ही पत्त नू लिखना ही चाड़ मलकी, एन्‍देरगेका तम्है ती नन्नर संगे चोन्‍हा ती र'आ गे धर्मेस निमन मुन्‍द तिम सिखाबाचका चिच्कादस।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

1 पतरस 4:8

उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।

1 यॊहन 2:7

अना दुलारो, ऎन निमन पुना पॆसकन मल लिखदन, लिकिन ऒड़ तिम निमा ख़क्ख्रका पच्चा पॆसकन दिम लिखदन। आ पच्चा पॆसका गा नीम मुन्द मेंजका कत्था दिम हवे।

1 यॊहन 3:11

नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।

1 यॊहन 3:18

अना ख़द्दारो, नाम चोन्हा आबोन कत्था ती महले कछनख्रना ती ईद'ऊ मला, लिकिन नलख ती अरा मानी जिया ती चोन्हा आबोन ईद'ऊ र'अना र'ई।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 4:11

अना दुलारो, धर्मेस ई लेक्खम नम्है मइय्याँ एन्ने कोड़हे चोन्हा नंजस होले, नाम हूँ ओर्त ओर्त गने चोन्हा नन्ना र'ई।