1 यॊहन 4:17 - पुना गच्छरना NT (BSI)

¹⁷ एन्ने नाम धर्मेस नू बन्चका र'अना अरा धर्मेस नम्है नू बन्चका र'अना ती नम्है चोन्हा बड़ियर मन'ओ क'ओ। औंगे नमा नेंवई उल्ला गे एल्चना मल मनो। एन्देरगेका ई ख़ॆख़ेल नू नम्है उज्जना मसीसी उज्जना लेक्खा र'ई।

1 यॊहन 4:17 ပူးပေါင်းရင်းမြစ်များ

मत्तायोस 10:15

ऎन निमन मानिमन ब'अदन, ‘रायबड़ी उल्‍ला नू सोदोम अरा गोमोरा नगरे ता आलर ख़क्‍खना दंडे ती ई नगरे ता आलर ही ख़क्‍खना दंडे बग्‍गे मलदौ मनो।’

मत्तायोस 10:25

चेलस गे तंग्‍है गुरुस लेक्‍खा अरा जॊंख़स तंग्‍है उर्बस लेक्‍खा मन्ना दिम कोड़हे र'ई। आर एड़पा उर्बस एंगन बॆलजेबूल बाचकानर होले, आसी एड़पातारिन एन्‍देर मल ब'ओर।

मत्तायोस 11:22

अन्‍नु हूँ ऎन निमन ब'अदन, रायबड़ी उल्‍ला नू तुरोस दरा सीदॊन नगरे ही दंडे ती निम्‍है दंडे बग्‍गे मलदौ मनो।

मत्तायोस 11:24

अन्‍नु हूँ ऎन निमन ब'अदन, रायबड़ी उल्‍ला नू सोदोम नगरे ही दंडे ती निम्‍है दंडे बग्‍गे मलदौ मनो।”

मत्तायोस 12:36

अरा ऎन निमन ब'अदन, एका एका अनभनियाँ कत्‍था आलर कछनख्र'ओर रायबड़ी उल्‍ला नू आर गे अबड़ा उर्मी कत्‍था ही लेखा चि'अना दिम मनी।

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

यॊहनस 17:22

अरा एकन्ने नाम ओंटम र'अदत अन्नेम आर हूँ ओंटम मना गे नीन एंगा चिच्का महबन ऎन आर गे चिच्‍कन।

रोमी 8:29

धर्मेस आरिन हुल्‍लु तिम अक्‍खस, अरा आस आरिन तंग्‍है ख़द्द बेसे मना गे ओट्‍‍टा ओकताचस। होले येसुस बग्‍गे भ‍ई बहिनर नू जेट्ठा मना ओंगोस।

इब्रानी 9:27

एकासे का आलर गे ओंग्‍होन खे'अना अरा अदही ख़ॊख़ा नेंवई मन्ना ओक्‍तारकी र'ई।

याकॊब 2:13

एन्देरगेका नॆ सोग्‍गे मल ईरियस, आसी नेंवई बेगर सोग्‍गे गने मनो। नॆ नन्नर मइय्याँ सोग्‍गे ऎरदस, आस नेंवई उल्ला गे मल एलच्दस।

याकॊब 2:22

नीन ऎरदय का आसी पत्त'अना आसी नलख गुट्ठी ही गने गने नलख नंजा। अरा आसी नंजका नलख गुट्ठी ती आसी पत्त'अना पखड़ मंजा।

2 पतरस 2:9

औंगे उर्बस अख़दस का धर्मेसिन इल्चू आलारिन आर ही बिढ़्रना ती एकासे बछाब'अना र'ई, अरा उजगो मलका आलारिन दंडे चि'अनुम चि'अनुम नेंवई उल्ला गे उइय्यना र'ई।

2 पतरस 3:7

लिकिन धर्मेस अक्कु ता मेर्ख़ा गुट्ठिन अरा ख़ॆख़ेलन नेंवई उल्ला गूटी र'आ गे पॆसकन चिच्चस। फेन अबड़ा चिच्ची ती बस्सा गे उइरकी र'ई। अरा धर्मेसिन मल इल्चुर नठार'ओर।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

1 यॊहन 2:5

लिकिन एकास धर्मेसी कत्थन पॆस्रदस ती उज्जदस, आस ऎद्ददस का धर्मेस आसिन मानिम अरा बड़ियर लगे चोन्हा नन्दस। नाम धर्मेस नू र'अदत एन्ने ईद ती अख़दत।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।

1 यॊहन 3:7

अना दुलार ख़द्दारो, नॆख'आ ती हूँ अमके बेहड़र'आ। एकास उजगो नलख गुट्ठिन नन्दस, आस मसीस उजगो र'अना लेक्खा तान हूँ उजगो र'अस।

1 यॊहन 4:12

धर्मेसिन नॆ हूँ इकला हूँ मल्ला ईरका। लिकिन नाम ओर्त ओर्त गने चोन्हा नन्दत होले, धर्मेस नम्है नू बन्चकादस, अरा आसी चोन्हा नम्है नू बड़ियर मन्र'ई।