1 यॊहन 4:11 - पुना गच्छरना NT (BSI)

¹¹ अना दुलारो, धर्मेस ई लेक्खम नम्है मइय्याँ एन्ने कोड़हे चोन्हा नंजस होले, नाम हूँ ओर्त ओर्त गने चोन्हा नन्ना र'ई।

1 यॊहन 4:11 ပူးပေါင်းရင်းမြစ်များ

लू‍कस 10:37

नॆग सिखाब'उस बाचस, “नॆ आसिन सोग्‍गे ईरियस आसिम हिकदस।” ख़ने येसुस आसिन बाचस, “कला नीन हूँ एन्नेम ननके।”

यॊहनस 13:34

ऎन निमा गे ओन्‍टा पुना पॆसका चि'अदन, नीम ओर्त ओर्त गने चोन्‍हा नना। एकासे ऎन निमन चोन्‍हा नंजकन, अन्नेम नीम हूँ ओर्त ओर्त गने चोन्‍हा नन्‍ना र'ई।

इफेसुस 4:31

निम उर्मी रकम ही करतअंग, अरा खींसारना, अरा कैरारना, अरा नग्गानख्रना, अरा हींड़ना अरा उर्मी रकम ही मलदौ ननू सोच गुट्ठिन अम्बा चि'आ।

कोलोस्से 3:13

अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।

1 यॊहन 2:7

अना दुलारो, ऎन निमन पुना पॆसकन मल लिखदन, लिकिन ऒड़ तिम निमा ख़क्ख्रका पच्चा पॆसकन दिम लिखदन। आ पच्चा पॆसका गा नीम मुन्द मेंजका कत्था दिम हवे।

1 यॊहन 3:11

नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 4:7

अना दुलारो, नाम ओर्त ओर्त गने चोन्हा नन्दत नेकअन। एन्देरगेका चोन्हा धर्मेस ती बर'ई। अरा एकास चोन्हा नन्दस आस धर्मेसी ख़द्द र'अदस, अरा धर्मेसिन अख़दस।

2 यॊहन 1:5

अनय आली, ऎन अक्कु निंगा गे पुना पॆसकन मल लिखदन। नाम ऒड़ तिम ख़क्ख्रका पॆसकन दिम लिखदन ती निंगन गोहरारदन का नाम ओर्त ओर्त गने चोन्हा नन्ना र'ई।