1 यॊहन 4:10 - पुना गच्छरना NT (BSI)

¹⁰ नाम धर्मेस मइय्याँ चोन्हा नंजका ती मला, आस नम्है मइय्याँ चोन्हा नंजका ती नम्है पाप गुट्ठिन ओथ्रना ही दाँड़े बेसे तंग्है ख़द्दासिन तइय्यस। ईदिम चोन्हा हवे।

1 यॊहन 4:10 ပူးပေါင်းရင်းမြစ်များ

यॊहनस 13:34

ऎन निमा गे ओन्‍टा पुना पॆसका चि'अदन, नीम ओर्त ओर्त गने चोन्‍हा नना। एकासे ऎन निमन चोन्‍हा नंजकन, अन्नेम नीम हूँ ओर्त ओर्त गने चोन्‍हा नन्‍ना र'ई।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 6:51

मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

1 पतरस 2:24

आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 यॊहन 2:2

अरा आसिम नम्है पाप गुट्ठिन ओथ्रना ही दाँड़े हिकदस, नम्है पाप गुट्ठिन लेका मला सौंसे ख़ॆख़ेल ता आलर ही पाप गुट्ठिन ओथ्रना दाँड़े हिकदस।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

1 यॊहन 4:19

नाम चोन्हा नन्दत एन्देरगेका मुन्द धर्मेस नमन चोन्हा नंजस।

1 यॊहन 5:11

अरा आ गोवाह ईद र'ई का, धर्मेस नमा गे जनमजुग उज्जनन चिच्कादस, अरा ई उज्जनन नाम आसी ख़द्दस तरती ख़क्खदत।