1 यॊहन 4:1 - पुना गच्छरना NT (BSI)

¹ अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

1 यॊहन 4:1 ပူးပေါင်းရင်းမြစ်များ

मरकुस 13:21

फिन नीक‍ईम निमन, ‘ऎरा, मसीस इसन र'अदस महले असन र'अदस’ एन्ने ब'अदस होले, आसी कत्‍थन अमके पत्त'आ।

लू‍कस 12:57

अरा नीम नीमिन एन्‍देरगे नेव‍ई नना पोलदर एन्‍द्रा मानिम र'ई?

लू‍कस 21:8

आस आरिन बाचस, “चिहुंक र'आ, निमन नीक‍ईम अम्‍बोर ठक'आ। नगदे आलर एंग्‍है नामे ती बर'अरकी ब'ओर, ‘ऎन मसीस हिकदन’ अरा बेड़ा अंड़सा ख़च्‍चकी र'ई, नीम आर ही ख़ॊख़ा अमके काला।

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

त‍इरकर 20:29

ऎन अख़दन का एंग्‍है केरका ख़ॊख़ा खरिखन मल अम्‍बना चर्रू मूख़ू भुसुड़ गुट्ठी निम्है मझी नू बर'ओ।

1 कोरिन्‍थ 12:10

अरा नन्नस गे हैकट नलख गुट्ठी नन्ना ही सवंग, अरा नन्नस गे धर्मेसी कत्‍थन मुन्‍द तेंगना, अरा नन्नस गे बॊलता गुट्ठिन लखना, अरा नन्नस गे कैनो मदहे बलना भखा गुट्ठिन कछनख्रना, अरा नन्नस गे आ कैनो मदहे बलना भखा गुट्ठी ही मने तेंगना ही सवंग चीरकी र'ई।

1 कोरिन्‍थ 14:29

धर्मेसी कत्‍थन मुन्‍द तिंगुर ऎंड़ झन मलता तीन झन तेंगनर नेकअन, अरा नन्‍नर गा बाचका कत्‍थन चिहुंक ती बिढ़नर नेकअन।

1 थेस्‍सलोनिकॆयर 5:20

धर्मेसी कत्‍था तिंगुर ही कत्‍थन अयलह'आ अमा अख़'आ।

1 थेस्‍सलोनिकॆयर 5:21

लिकिन उर्मी कत्‍था गुट्ठिन अरा नलखन बिढ़'आ ती ऎरा। एकदा बॆस लग्‍गो अदिन इंझ्र'आ अरा धर'आ।

2 थेस्‍सलोनिकॆयर 2:2

एकअम धर्मेसी कत्था तिंगुर ही कत्‍था महले नन्नर ही कत्‍था महले चिठी एम्‍है तरती बरचा ब'अरकी, अइय्या “येसु मसीसी बरना अंड़सकी र'ई” एन्ने लिख्रकी र'ई ब'अरकी ब'अनर होले हूँ अत्र इत्र अमके मना।

1 तीमोथियुस 4:1

अक्‍कु नेम्‍हा बॊलतस सुपट तेंगदस का छेद्दे बेड़ा गुट्ठी नू जोक्‍क आलर मानिम पत्त'अना ती बेहड़ार'ओर क'ओर। अरा आर ठक‍'ऊ बॊलता अरा नाद ही सिखाब‍'अना नू ऎकोर।

2 तीमोथियुस 3:13

लिकिन मलदौ आलर अरा भुरिंयु आलर दगा चि'अनुम अरा दगा मूख़नुम बगड़ारते किर्रिमबि'ओर।

2 पतरस 2:1

इस्राऎल आलर ही मझी नू ठकवा धर्मेसी कत्था तिंगुर रहचर। अन्नेम निम्है मझी नू हूँ ठकवा सिखाब'उर चो'ओर। आर नठारनन ओन्द्रना ठकवा सिखाब'अनन नूख़ुर नूख़ुर ओन्द्र'ओर। अरा आर तमन मूल्ली चि'अरकी ख़ीन्दका कोड़हे सवंगिय उर्बासिन हूँ बलदम ब'ओर। ई लेक्खम आर तमा गे चाँड़हेम नठारनन ओन्द्र'ओर।

1 यॊहन 2:18

अना ख़द्दारो, ईद छेद्द उल्ला हवे। नीम मेंजकादर का ठकवा मसीस बर'आ लगदस। अक्कु गूटी कैनो ठकवा मसीर चॊचकानर। इत्रु ती नाम अख़दत का छेद्दे बेड़ा अंड़सा ख़च्चकी र'ई।

1 यॊहन 2:7

अना दुलारो, ऎन निमन पुना पॆसकन मल लिखदन, लिकिन ऒड़ तिम निमा ख़क्ख्रका पच्चा पॆसकन दिम लिखदन। आ पच्चा पॆसका गा नीम मुन्द मेंजका कत्था दिम हवे।

2 यॊहन 1:7

ई ख़ॆख़ेल नू बग्गे भुरइ'ऊ आलर चॊचका र'अनर, आर मल पत्त'अनर का येसु मसीस आल कया नू मंजस ती ख़ॆख़ेल नू बरचस। ईरिम भुरइ'ऊ अरा ठकवा मसी हिकनर।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।

दहदर मंजका कत्‍था 2:2

ऎन निंग्‍है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।