1 यॊहन 3:9 - पुना गच्छरना NT (BSI)

⁹ एका ओर्तस धर्मेसी ख़द्द मंजका र'अदस, आस पाप नन्तेम मल र'अदस, एन्देरगेका धर्मेसी सुबहा आसी नू र'ई। आस धर्मेसी ख़द्द मंजका ती आस पाप नन्नुम र'आ पोलदस।

1 यॊहन 3:9 ပူးပေါင်းရင်းမြစ်များ

मत्तायोस 7:18

अरा बने मन्‍न पयहा ख़ंजपा चि'आ पुल्‍ली, अरा पयहा मन्‍न ठोस ख़ंजपा चि'आ पुल्‍ली।

यॊहनस 1:13

आर अयंग-बंग ती, महले मॆद ही मने ती, महले मॆत-मुक्‍का ही मने ती धर्मेसी ख़द्दर मल मंजर, लिकिन धर्मेस तंग्‍है मने ती आरिन तंग्‍है ख़द्दर कमचस।

यॊहनस 3:3

येसुस आसिन आनाकिर्ताचस, “ऎन निंगन मानिमन ब'अदन, नीकईम अउरिम मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।”

त‍इरकर 4:20

एन्‍देरगेका ऎम एन्‍दरन ईरकादम अरा मेंजकादम अदही पत्त नू मल तेंगना एम्‍है ती मल मनो।”

रोमी 6:2

कहियों मला! मानिम नू अन्ने नन्ना मल्ला। नाम गा पाप नन्नन अम्‍बकत ती पाप नना गे केच्‍कत केरकत, ख़ने नाम अउरिम पाप नन्‍ते उज्‍जा पोलदत।

गलातिया 5:17

एन्‍देरगेका नम्‍है कया बॊलता ही बिड़दो नू चिबाख़ार'ई। अरा बॊलता नम्‍है कया ही बिड़दो नू चिबाख़ार'ई। इबड़ा ऎंड़ तम्है तम्है नू बैरी र'ई। औंगे नीम एन्‍देर दौ नना बेद्ददर अदिन नना पोलदर।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

1 पतरस 1:23

एन्‍देरगेका नीम नठारना बिहनी ती मला, उज्जना अरा सदौ बन्चका र'अना धर्मेसी कत्‍था ही मल नठारना बिहनी ती पुना कुन्द्रनन ख़क्‍खका र'अदर।

1 यॊहन 2:29

धर्मेस उजगो र'अस एन्ने नीम अक्का र'अदर होले, एन्द्रा उजगो र'ई अदन ननू ओर्मर धर्मेसी ख़द्दर र'अनर एन्ने हूँ अक्का र'अदर।

1 यॊहन 3:6

एका ओर्तस मसीस नू बन्चका र'अदस, आस पाप नन्नुम मल र'अदस। लिकिन एका ओर्तस पाप नन्नुम र'अदस, आस आसिन मल्ला हूँ ईरका, अरा आस आसिन बलदस हूँ।

1 यॊहन 4:7

अना दुलारो, नाम ओर्त ओर्त गने चोन्हा नन्दत नेकअन। एन्देरगेका चोन्हा धर्मेस ती बर'ई। अरा एकास चोन्हा नन्दस आस धर्मेसी ख़द्द र'अदस, अरा धर्मेसिन अख़दस।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

1 यॊहन 5:18

नाम अख़दत का एका ओर्तस धर्मेसी ख़द्द मंजकादस, आस पाप नन्नुम मल र'अदस। एन्देरगेका धर्मेसी ख़द्दस आसिन ख़ापदस, अरा मलदौ आबोन नन्त'उस सैतान आसिन एंसड़'आ पुल्ली।

1 यॊहन 5:4

एकास धर्मेसी ख़द्द र'अदस, आस सौंसार ही मलदौ गुट्ठी ही मइय्याँ जीत ख़क्खा ओंग्दस। मसीस मइय्याँ ता नम्है पत्त'अना ती दिम नाम सौंसार ही मलदौ गुट्ठी ही मइय्याँ जीत ख़क्खदत।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।