1 यॊहन 3:7 - पुना गच्छरना NT (BSI)

⁷ अना दुलार ख़द्दारो, नॆख'आ ती हूँ अमके बेहड़र'आ। एकास उजगो नलख गुट्ठिन नन्दस, आस मसीस उजगो र'अना लेक्खा तान हूँ उजगो र'अस।

1 यॊहन 3:7 ပူးပေါင်းရင်းမြစ်များ

मत्तायोस 5:20

ऎन निमन ब'अदन का निम्‍है नलख यहूदी नॆग सिखाब'उर अरा फरिसीर ती दौ मल र'ओ होले नीम मेर्ख़ा राजी नू इकला हूँ मल कोर'ओर।

लू‍कस 1:75

अरा नम्‍है उज्‍जना उल्‍ला गूटी आसी मुन्‍दहारे नेम्‍हा अरा उजगो नू बिगर इल्चका ती सुसर'आ गे सवंग चि'ओस।

त‍इरकर 10:35

आलर एक‍अम हूँ राजी ता र'ओर आर धर्मेसिन एल्‍चनर अरा एन्‍द्रा दौ र'ई अबड़न नन्नर होले धर्मेस आरिन इंझ्रदस।

रोमी 2:13

एन्‍देरगेका धर्मेसी पॆसकन मिनू आलर उजगो मल मनोर, लिकिन धर्मेसी पॆसकन पॆस्र'ऊ आलर उजगो मनोर।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

इब्रानी 1:8

लिकिन धर्मेस तंग्‍है ख़द्दासी पत्त नू एन्ने ब'अदस, “अना धर्मे, निंग्‍है बॆल-गदिया हुल्‍लो ती हुल्‍लो गूटी र'ओ, अरा नीन निंग्‍है राजी आबोन उजगो गने राजी ननोय।

इब्रानी 7:2

तहाँ अब्राहमस तान जितचका ती ओन्‍द्रका उर्मी जिनिस ही दसमांस मेलख़िसेदेकस गे चिच्‍चस। मेलख़िसेदेक नामे ही माने “उजगो ही बॆलस”, अरा सालॆम ही बॆलस ही माने “कोड़े ही बॆलस” हवे।

याकॊब 1:22

अक्कु ती नीम धर्मेसी कत्‍थन मिनुर लेका मला, अदही लेक्खा ईकू मना। मला होले नीम नीमिम फोक्र'ऊ र'अदर।

याकॊब 2:19

नीन पत्त'अदय का, ओन्टे लेका धर्मेस र'अदस। आद दौ हिके। नाद गुट्ठी हूँ गा अदिन पत्त'ई, अरा इल्‍ची अरा असरी।

1 पतरस 2:24

आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

1 यॊहन 2:26

नॆ निमन बेड़ाब'आ बेद्दनर, आर ही पत्त नू ऎन निमन इबड़ा कत्थन लिखचकादन।

1 यॊहन 2:29

धर्मेस उजगो र'अस एन्ने नीम अक्का र'अदर होले, एन्द्रा उजगो र'ई अदन ननू ओर्मर धर्मेसी ख़द्दर र'अनर एन्ने हूँ अक्का र'अदर।

1 यॊहन 3:18

अना ख़द्दारो, नाम चोन्हा आबोन कत्था ती महले कछनख्रना ती ईद'ऊ मला, लिकिन नलख ती अरा मानी जिया ती चोन्हा आबोन ईद'ऊ र'अना र'ई।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।

1 यॊहन 4:17

एन्ने नाम धर्मेस नू बन्चका र'अना अरा धर्मेस नम्है नू बन्चका र'अना ती नम्है चोन्हा बड़ियर मन'ओ क'ओ। औंगे नमा नेंवई उल्ला गे एल्चना मल मनो। एन्देरगेका ई ख़ॆख़ेल नू नम्है उज्जना मसीसी उज्जना लेक्खा र'ई।