1 यॊहन 3:6 - पुना गच्छरना NT (BSI)

⁶ एका ओर्तस मसीस नू बन्चका र'अदस, आस पाप नन्नुम मल र'अदस। लिकिन एका ओर्तस पाप नन्नुम र'अदस, आस आसिन मल्ला हूँ ईरका, अरा आस आसिन बलदस हूँ।

1 यॊहन 3:6 ပူးပေါင်းရင်းမြစ်များ

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

1 यॊहन 2:3

नाम धर्मेसी पॆसका गुट्ठिन पॆस्र'ओत होले, अत्रु नाम अक्ख ख़च्चोत का नाम आसिन अक्ख ख़च्चिका र'अदत।

1 यॊहन 2:4

एकअम ओर्तस ब'अदस का, “धर्मेसिन ऎन अख़दन,” लिकिन आस धर्मेसी पॆसका गुट्ठिन मल पॆस्रदस होले, आस ठक'उस र'अदस, अरा आस मानी लगे मल उज्जदस।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

1 यॊहन 3:9

एका ओर्तस धर्मेसी ख़द्द मंजका र'अदस, आस पाप नन्तेम मल र'अदस, एन्देरगेका धर्मेसी सुबहा आसी नू र'ई। आस धर्मेसी ख़द्द मंजका ती आस पाप नन्नुम र'आ पोलदस।

1 यॊहन 4:8

लिकिन एकास चोन्हा मल नन्दस, आस धर्मेसिन बलदस, एन्देरगेका धर्मेस चोन्हा हिकदस।

1 यॊहन 5:18

नाम अख़दत का एका ओर्तस धर्मेसी ख़द्द मंजकादस, आस पाप नन्नुम मल र'अदस। एन्देरगेका धर्मेसी ख़द्दस आसिन ख़ापदस, अरा मलदौ आबोन नन्त'उस सैतान आसिन एंसड़'आ पुल्ली।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।