1 यॊहन 3:3 - पुना गच्छरना NT (BSI)

³ एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।

1 यॊहन 3:3 ပူးပေါင်းရင်းမြစ်များ

मत्तायोस 5:48

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

लू‍कस 6:36

एकासे निम्‍है मेर्ख़ा ता बंगस निमन सोग्‍गे ईरू र'अदस अन्नेम नीम हूँ सोग्‍गे ईरू मना।

यॊहनस 17:19

अरा ऎन आर ही चड्डे एंगन नेम्‍हा दाँड़े बेसे निमा गे चि'अदन, का आर हूँ निंग्‍है मानी ती नेम्‍हा मना ओंग्‍नर।

त‍इरकर 15:9

अरा आस आर ही जियन पत्त'अना ती नेम्‍हा नंजस अरा नम्‍है नू अरा आर नू एन्‍देर हूँ फरक म‍ल नंजस।

रोमी 15:12

अरा फिन धर्मेसी कत्‍था तिंगू यसायास ब'अदस, “येसैसी बनस ती ओन्‍टा पुना बॆलस बर'ओस। आस नन-यहूदीर नू राजी ननोस, अरा नन-यहूदीर आसी चड्डे असरा ननोर।”

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

कोलोस्से 1:5

धर्मेस निमा गे मेर्ख़ा नू उइय्का रहचका ही मइय्याँ ता असरा तिम ई पत्त'अना अरा चोन्हा बर'ई। ई असरा ही पत्त नू मानी ही कत्था दौ कत्‍थन पत्ताचका बारी नू नीम मेंज ख़च्चकादर।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

तीतुस 3:7

आस तंग्‍है मया ती नमन उजगो आल ऎदस, अरा नमा गे जनमजुग ही उज्‍जना ख़क्‍खा गे असरा चिच्‍चस।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

इब्रानी 6:18

औंगे धर्मेस गच्‍छरस अरा किरया मोक्‍खस। इबड़ा ऎंड़ कत्‍था मल बदलार'ओ, एन्‍देरगेका धर्मेस ती ठकवा ब'अना कहियों मल मनो। औंगे नम्‍है मुन्‍दहारे उइय्का र'ई आ असरा आबोन ख़क्‍खा गे नाम धर्मेस हेद्दे बोंगालदत। नमन बड़ियर गने रिझ्रत'आ गे धर्मेस एन्ने नंजस।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

1 पतरस 1:15

निमन चुनचका धर्मेस एकासे नेम्‍हा र'अस, अन्नेम नीम हूँ निम्है सौंसे उज्‍जना ओक्‍कना नू नेम्‍हा र'आ।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

2 पतरस 1:4

आसी महबा अरा दौ गुन्न ती दिम आसी कोड़हे अरा नगदे मईन ही गच्छरना गुट्ठी नमा गे चीरकी र'ई। ई गच्छरना गुट्ठी ती आ धर्मे सुबहा नू नीम हूँ मेस्र'आ ओंग्दर, अरा मलदौ चिबाख़ारना ती ख़ॆख़ेल नू मन्ना खुपाब'अना ती हूँ बछर'आ ओंग्दर।

2 पतरस 3:14

औंगे अना चोन्हा आलारो, नीम इबड़ा कत्था गुट्ठी मन्ना ही पाब ऎरना ही चड्डे, नीम बिगर बदी अरा बिगर दगहा ही उज्जनन उज्जना ती धर्मेस गने कोड़े गने र'आ गे उर्मी तिहन नना।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।

1 यॊहन 4:17

एन्ने नाम धर्मेस नू बन्चका र'अना अरा धर्मेस नम्है नू बन्चका र'अना ती नम्है चोन्हा बड़ियर मन'ओ क'ओ। औंगे नमा नेंवई उल्ला गे एल्चना मल मनो। एन्देरगेका ई ख़ॆख़ेल नू नम्है उज्जना मसीसी उज्जना लेक्खा र'ई।