1 यॊहन 3:22 - पुना गच्छरना NT (BSI)

²² नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।

1 यॊहन 3:22 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 21:22

अरा उर्मिन नीम पत्त'आनुम निम्‍है गोहरारना नू ने'ओर, अबड़ा उर्मी निमा ख़क्‍ख्र'ओ।”

मरकुस 11:24

औंगेम ऎन निमन ब'अदन का नीम निम्‍है बिन्‍ती नू इन्द्रिइम ने'ओर होले, अदिन पत्त'आ का ऎम ख़क्‍खोम। होले धर्मेस अदन निमा गे ननोस।

यॊहनस 14:13

अरा नीम एंग्‍है नामे ती इन्द्रिइम ने'अदर‍, अदिन ऎन निमा गे ननोन। ख़ने बंगासी महबा ऎन ख़द्दस ती दहदर मनो।

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 15:7

नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

यॊहनस 6:29

येसुस आनाकिर्ताचस, “ई ओन्‍टा नलखन दिम नीम नना गे धर्मेस बेद्ददस का, नॆकन आस तइय्‍कादस आसिन पत्त'आ।”

यॊहनस 8:29

नॆ एंगन तइय्यस आस एंग्‍है गने र'अस। आस एंगन ओर्तेलेका मल्‍ला अम्‍बिका, एन्‍देरगेका एकदा आसिन खुसमारत'ई अदिनिम ऎन उर्मी उल्‍ला नन्‍दन।”

यॊहनस 9:31

ऎम अख़दम का धर्मेस पपहा आलर हीन मल मेन्‍दस। अरा आस तंग्‍है भगतर हीन अरा आसी मने लेक्‍खा नलख ननुर हीन मेन्‍दस।

त‍इरकर 17:30

केरका बेड़ा नू आलर धर्मेसिन मल बुझ्रर। इदिन आस अम्‍बियस चिच्‍चस। लिकिन अक्‍कु आस उर्मी अड्डा ता उर्मी आलारिन जियन किर्त'आ गे आनदस।

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

याकॊब 4:3

अरा नीम धर्मेसिन ने'अदर ख़ने हूँ मल ख़क्‍खदर, ईगेका नीम मलदौ मने गुट्ठी ती ने'अदर का नीम निम्है सुख-सौंरत आबोन पूरा नना गेम ने'अदर।

याकॊब 5:16

औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।

1 यॊहन 2:3

नाम धर्मेसी पॆसका गुट्ठिन पॆस्र'ओत होले, अत्रु नाम अक्ख ख़च्चोत का नाम आसिन अक्ख ख़च्चिका र'अदत।

1 यॊहन 5:14

अरा धर्मेसी मुन्दहारे बर'आ गे नमा गे र'अना डिढ ईदिम र'ई का, नाम आसी मने लेक्खा इन्द्रिइम ने'अदत ख़ने, आस नम्है गोहरारनन मेन्दस।