1 यॊहन 3:21 - पुना गच्छरना NT (BSI)

²¹ अना दुलारो, नम्है जिया नमन बदी मल नन्त'ई होले, नाम धर्मेस गुसन डिढ गने बर'आ ओंग्दत।

1 यॊहन 3:21 ပူးပေါင်းရင်းမြစ်များ

रोमी 14:22

इबड़ा ही पत्त नू नीन एन्‍देर पत्त'अदय अदिन धर्मेसी अरा निंग्‍है मझी नू उइय्या। एकदन एकास बॆस बुझ्रदस अदही पत्त नू तान तंगानिम बदी मल ठेकाब'अदस होले आस बरकत ख़क्‍खू र'अदस।

1 कोरिन्‍थ 4:4

एन्‍देरगेका एंग्‍है जिया एंगन एकअम कत्‍था गुट्ठी नू बदी मल ठेकाब'ई, अन्नु हूँ इत्रु ऎन उजगो मल मन्‍दन। एंगन नेंव‍ई ननुस उर्बस दिम हिकदस।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

इफेसुस 3:12

नाम मसीस नू र'अना ती अरा आसी मइय्याँ ता पत्त'अना ही चड्डे, नाम डिढ अरा बड़ियर असरा गने धर्मेसी छमहे नू बर'आ ओंग्दत।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

इब्रानी 4:16

औंगे नाम डिढ गने नम्‍है धर्मेसी मया ही बॆल-गदिया गुसन बरदत नेक‍अन का असन आस नम्‍है म‍इय्याँ सोग्‍गे ऎरोस, अरा नम्‍है चाड़ ही बेड़ा नू नम्‍है सहाड़ा ननोस ती मया ननोस।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

1 यॊहन 2:7

अना दुलारो, ऎन निमन पुना पॆसकन मल लिखदन, लिकिन ऒड़ तिम निमा ख़क्ख्रका पच्चा पॆसकन दिम लिखदन। आ पच्चा पॆसका गा नीम मुन्द मेंजका कत्था दिम हवे।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

1 यॊहन 3:20

नम्है जिया दिम नमन बदी नन्त'ई होले, धर्मेस नम्है जिया ती कोहँस र'अदस, अरा आस उर्मिन अख़दस।

1 यॊहन 4:17

एन्ने नाम धर्मेस नू बन्चका र'अना अरा धर्मेस नम्है नू बन्चका र'अना ती नम्है चोन्हा बड़ियर मन'ओ क'ओ। औंगे नमा नेंवई उल्ला गे एल्चना मल मनो। एन्देरगेका ई ख़ॆख़ेल नू नम्है उज्जना मसीसी उज्जना लेक्खा र'ई।

1 यॊहन 5:14

अरा धर्मेसी मुन्दहारे बर'आ गे नमा गे र'अना डिढ ईदिम र'ई का, नाम आसी मने लेक्खा इन्द्रिइम ने'अदत ख़ने, आस नम्है गोहरारनन मेन्दस।