1 यॊहन 3:2 - पुना गच्छरना NT (BSI)

² अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

1 यॊहन 3:2 ပူးပေါင်းရင်းမြစ်များ

मत्तायोस 5:8

नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर।

लू‍कस 17:30

अन्नेम मनवा ख़द्दन एंगा बरना उल्‍ला हूँ मनो।

लू‍कस 20:36

अरा आर फिन इकला हूँ मल खे'ओर, आर उज्‍जा चो'अना ही ख़द्द मंजर, ख़ने आर मेर्ख़ा पैकर लेक्‍खम र'ओर, अरा धर्मेसी ख़द्दर मनोर।

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 11:52

अरा आ राजी गे लेका मला, छितिर बितिर मंजका धर्मेसी आलारिन हूँ ख़ॊंड़'अरकी ओन्‍टम मना गे हूँ खे'आ कादस।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

रोमी 8:16

नाम धर्मेसी ख़द्द-ख़र्रा एन्ने नेम्‍हा बॊलतस नम्‍है बॊलता गने मेसर'अरकी तेंगदस।

रोमी 8:18

ऎन बुझ्रदन का नाम एका महबा हुल्‍लो नू ख़क्‍ख'ओत, अदही जोक्‍खा नू ई परिया ता नमा दुक्‍खे र'अम मलकी बेसे र'ई।

रोमी 8:19

एन्‍देरगेका गोट्टा ख़ॆख़ेल ता गढ़र्रका आलॊ कोहाँ असरा ती धर्मेस नॆ नॆ तंग्‍है ख़द्दस एन्ने दहदर ननोस अदिन ऎरा गे पाब ऎरा लगी।

रोमी 8:29

धर्मेस आरिन हुल्‍लु तिम अक्‍खस, अरा आस आरिन तंग्‍है ख़द्द बेसे मना गे ओट्‍‍टा ओकताचस। होले येसुस बग्‍गे भ‍ई बहिनर नू जेट्ठा मना ओंगोस।

1 कोरिन्‍थ 13:12

अक्‍कु गा नाम मड़ख़का ऐना नू धुमलहा ऎरना बेसे धर्मेसिन बड़ियर मल ऎरदत, लिकिन ख़ॊख़ा नाम उर्मी कत्‍थन बड़ियर फरीफरी ऎरोत। अक्‍कुन ऎन जुक्‍किम दिम अख़दन, लिकिन ख़ॊख़ा धर्मेस एंगन एकासे बनेम अख़दस अन्नेम ऎन उर्मिन बनेम अख़'ओन।

1 कोरिन्‍थ 15:49

एकासे नाम ख़ज्‍जो ती कम्रका आलासी रूप नू र'अदत, अन्नेम नाम मेर्ख़ा आलासी रूपे नू मनोत।

1 कोरिन्‍थ 2:9

लिकिन नेम्‍हा पुथी नू एन्ने लिख्रकी र'ई का, “धर्मेस तंग्‍है नू चोन्‍हा ननुर गे सपड़ाचका जिनिसन एका ख़न्न हूँ मल ईरकी र'ई, महले एका ख़ेबदा हूँ मल मेंजकी र'ई महले एका मन हूँ मल सोचकी र'ई।”

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 4:17

बग्गे उल्ला मल र'अना अक्‍कु ता एम्‍है कट्टी गुसर खिलपत गा एमा गे अकय कोहाँ अरा कोड़हे जनमजुग महबन कुन्द्रत'ई।

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

गलातिया 4:6

अरा नीम गा धर्मेसी ख़द्दर हिकदर। धर्मेस तंग्‍दासी बॊलतन नम्‍है जिया नू त‍इय्‍कादस। औंगे आस चिच्चियारदस ती मॆख़दस “अना बबा, अना बंगायो।”

फिलिप्‍पी 3:21

आस नम्है पैहा नठारना ही मॆदन तंग्है महबा ही मॆद लेक्‍खम कम'ओस चि'ओस। उर्मी आलॊ गुट्ठिन तंग्है तबे नू ओन्द्रना गे पया चि'ऊ सवंग ती आस इदन ननोस।

कोलोस्से 3:4

मसीस निम्है उज्‍जना हिकदस। एकाबारी मसीस सौंसे ख़ॆख़ेल गे तंगन दहदर ननोस, नीम हूँ आस गने दहदर मनतार'ओर ती आसी महबा नू मेस्र'ओर।

इब्रानी 9:28

अन्नेम मसीस हूँ बग्‍गे आलर ही पाप गुट्ठिन ओथ्र'आ गे ओंग्‍होन दाँड़े मन्‍तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्‍द्र'ओस बर'ओस।

2 पतरस 1:4

आसी महबा अरा दौ गुन्न ती दिम आसी कोड़हे अरा नगदे मईन ही गच्छरना गुट्ठी नमा गे चीरकी र'ई। ई गच्छरना गुट्ठी ती आ धर्मे सुबहा नू नीम हूँ मेस्र'आ ओंग्दर, अरा मलदौ चिबाख़ारना ती ख़ॆख़ेल नू मन्ना खुपाब'अना ती हूँ बछर'आ ओंग्दर।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

1 यॊहन 2:7

अना दुलारो, ऎन निमन पुना पॆसकन मल लिखदन, लिकिन ऒड़ तिम निमा ख़क्ख्रका पच्चा पॆसकन दिम लिखदन। आ पच्चा पॆसका गा नीम मुन्द मेंजका कत्था दिम हवे।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

1 यॊहन 3:10

इत्रु ती नाम ब'आ ओंग्दत का नॆ धर्मेसी ख़द्दर अरा नॆ नाद ही ख़द्दर। एका ओर्तस उजगो नलख गुट्ठिन मल नन्दस, अरा तंग्है संगे मसी भईस गने चोन्हा मल नन्दस, आस धर्मेसी ख़द्द मलदस।

1 यॊहन 3:21

अना दुलारो, नम्है जिया नमन बदी मल नन्त'ई होले, नाम धर्मेस गुसन डिढ गने बर'आ ओंग्दत।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

दहदर मंजका कत्‍था 22:4

अरा आर आसिन मुंही मुंहिन ऎरोर, अरा आसी नामे आर ही कपड़े नू लिख्रकी र'ओ।