1 यॊहन 3:17 - पुना गच्छरना NT (BSI)

¹⁷ एकअम आलस ई ख़ॆख़ेल ता धन खुर्जी र'ऊ र'अना ती तंग्है संगे मसी भईस चाड़ नू र'अनन ईरका ती हूँ, आस आसी मइय्याँ सोग्गे मल ऎरदस होले, ईद इदन सेब्बा ईद'ई का आस नू धर्मेसी चोन्हा मलकी।

1 यॊहन 3:17 ပူးပေါင်းရင်းမြစ်များ

लू‍कस 3:11

यॊहनस आनाकिर्ताचस, “निंग्‍है गुसन दुई गोटंग अत्तना र'ई होले, ओन्टा अत्तनन नॆखा गुसन मल्‍ला आस गे चि'आ। अरा निंग्‍है गुसन मंडी र'ई होले, अदन कीड़र गे चि'आ।”

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।

याकॊब 2:15

सैत ओर्त भई महले बहिन बने लगे अत्ता गे किचरी मलका नू, अरा रोज ओना गे ओन्ना-मॊख़ना मलका नू र'अना बेड़ा,

याकॊब 2:16

निम्‍है ती एकअम ओर्तस आरिन ब'अदस, “धर्मेस निम्है गने र'अदस, सान्ति गने कला, उदुम उदुम र'अके, अरा छचबच ओनके।” लिकिन आर गे एन्‍देर चाड़ मनी अदिन मल चि'अदस होले, एन्‍देर नफा?

1 यॊहन 4:20

एकअम ओर्तस “ऎन धर्मेसिन चोन्हा नन्दन” ब'अदस, लिकिन तंग्है संगे मसी भईसिन ख़ाँड़दस होले, आस ठक'उस र'अदस। एन्देरगेका तान ईरका तंग्है संगे मसी भईसिन चोन्हा मल ननुस, तान मल ईरका धर्मेसिन चोन्हा नना पोलदस।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।