1 यॊहन 3:16 - पुना गच्छरना NT (BSI)

¹⁶ मसीस तंग्है जियन नमा गे चिच्का ती नाम इदन अख़दत का चोन्हा एन्द्रा र'ई। औंगे नाम हूँ नम्है संगे मसी भईर गे नम्है जियन चि'अना र'ई।

1 यॊहन 3:16 ပူးပေါင်းရင်းမြစ်များ

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

यॊहनस 10:11

ऎन दिम बॆस महरा हिकदन। बॆस महरस तंग्‍है भेंडो गे तंग्‍है जियन चि'अदस।

यॊहनस 13:34

ऎन निमा गे ओन्‍टा पुना पॆसका चि'अदन, नीम ओर्त ओर्त गने चोन्‍हा नना। एकासे ऎन निमन चोन्‍हा नंजकन, अन्नेम नीम हूँ ओर्त ओर्त गने चोन्‍हा नन्‍ना र'ई।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

रोमी 16:4

आर एंग्‍है जिया गे तम्‍है जियन अपलोक नू नंजका चिच्का रहचर। ऎन लेका मला अन्नेम नन-यहूदीर ही गोट्टा कलीसिया हूँ आर ही धन्‍यवाद ननी।

रोमी 5:8

लिकिन नाम पपहा र'अना बेड़ा नू मसीस नमा गे केच्‍चस। इत्रु ती धर्मेस नम्‍है म‍इय्याँ ता तंग्‍है चोन्‍हन दहदर नन्‍दस।

2 कोरिन्‍थ 4:12

ई खोदहा एम्‍है नू खे'अना नलख ननाली, लिकिन उज्‍जना निमा गे ख़क्ख्र'ई।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

इफेसुस 5:25

अना मॆतारो, एकासे मसीस कलीसियन चोन्‍हा नंजस ती तंग्है जियन अदगे चिच्चस, अन्नेम नीम हूँ तम्है तम्है मुक्‍कन चोन्‍हा नना।

फिलिप्‍पी 2:17

लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

फिलिप्‍पी 2:30

एन्देरगेका निम्है ती एंगा गे नना पोलना सहाड़ा आबोन आस एंगा गे नना गे आस तंग्‍है जियन हूँ अपलोक नू नंजस। एन्नेम मसीसिन सुसर'अना नलख गे खे'आ गे हूँ मल इल्चियस।

1 थेस्‍सलोनिकॆयर 2:8

औंगे ऎम एन्ने निम्‍है म‍इय्याँ चोन्‍हा नन्नुम धर्मेसी दौ कत्‍था नू लेका मला, लिकिन अपन अपन उज्‍जनन हूँ चि'आ गे सपड़ारका रहचकम, एन्‍देरगेका नीम एम्‍है ती चोन्‍हा मंज ख़च्‍चिका रहचकर।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

1 पतरस 1:18

एन्‍देरगेका नीम अख़दर का निम्‍है पूरखर ती इत्तनुम बर'आ लगी निम्है अयंदहा उज्‍जना ही डहरे ती निम्‍है नाड़रना सोना मलता चाँदी लेक्‍खा नठारना आलॊ ही दाम ती मल मंजकी र'ई।

1 पतरस 2:24

आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।

1 यॊहन 2:9

एका ओर्तस तान बिल्ली नू र'अदन ब'अदस, लिकिन तंग्है संगे मसी भईसिन हींड़दस, आस अक्कु गूटी ऊख़ा नू र'अस।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।