1 यॊहन 3:10 - पुना गच्छरना NT (BSI)

¹⁰ इत्रु ती नाम ब'आ ओंग्दत का नॆ धर्मेसी ख़द्दर अरा नॆ नाद ही ख़द्दर। एका ओर्तस उजगो नलख गुट्ठिन मल नन्दस, अरा तंग्है संगे मसी भईस गने चोन्हा मल नन्दस, आस धर्मेसी ख़द्द मलदस।

1 यॊहन 3:10 ပူးပေါင်းရင်းမြစ်များ

मत्तायोस 13:38

ख़ल्‍ल ख़ॆख़ेल हवे, दौ बिहनी धर्मेसी राजी ही आलर हिकनर, अरा लट्टी सैतान ही आलर हिकनर।

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 11:52

अरा आ राजी गे लेका मला, छितिर बितिर मंजका धर्मेसी आलारिन हूँ ख़ॊंड़'अरकी ओन्‍टम मना गे हूँ खे'आ कादस।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

यॊहनस 8:47

एकास धर्मेसी आलस र'अदस, आस धर्मेसी कत्‍थन मेन्‍दस। नीम इदगे मल मेन्‍दर का नीम धर्मेसी आलर मलदर।”

त‍इरकर 13:10

अरा बाचस, “नीन नाद ही ख़द्दय, अरा नीन चतरा अरा कटरहा ती निन्‍दका र'अदय, अरा उर्मी रकम ही दौ नलख ही बैरी हिकदय, अरा नीन उर्मी बारी उर्बासी उजगो डहरे गुट्ठिन बगड़'आ गे चिहुट नन्‍दय।

रोमी 13:8

अपन ती नन्नर नू चोन्‍हा नन्नन अम्‍बरकी एकअम हूँ कत्‍था नू नॆखा हूँ नहड़ा अमा मना। एन्‍देरगेका नॆ तंग्‍है अरबर-परबर गने चोन्‍हा नन्दस आसिम नॆगन पूरा नंजका र'अदस।

इफेसुस 5:1

नीम धर्मेसी चोन्हा ख़द्दर र'अना ती आसी लेक्‍खा नना अरा ऎका।

कोलोस्से 3:14

अरा इबड़ा उर्मी दौ गुन्न ती कोड़हे, चोन्‍हा आबोन अत्ता। आदिम अबड़ा उर्मिन बड़ियर ओन्टेम मन्ना नू हें'अरकी उइय्की र'ई।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

1 यॊहन 2:29

धर्मेस उजगो र'अस एन्ने नीम अक्का र'अदर होले, एन्द्रा उजगो र'ई अदन ननू ओर्मर धर्मेसी ख़द्दर र'अनर एन्ने हूँ अक्का र'अदर।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

1 यॊहन 4:21

एका ओर्तस धर्मेस गने चोन्हा नन्दस, आस गे तंग्है संगे मसी भईस गने हूँ चोन्हा नन्ना र'ई। ई पॆसकन दिम नाम धर्मेस ती ख़क्खकादत।

1 यॊहन 4:6

ऎम धर्मेसी हिकदम, अरा नॆ धर्मेसिन अख़दस आस एम्है कत्थन मेन्दस। अरा नॆ धर्मेसी मलदस आस एम्है कत्थन मेना मल बेद्ददस। नाम इत्रु तिम नॆ मानी ही बॊलतन ख़क्खकादर अरा नॆ बेहड़'अना ही बॊलतन ख़क्खकानर एन्ने लखदत हो'अदत।

1 यॊहन 4:8

लिकिन एकास चोन्हा मल नन्दस, आस धर्मेसिन बलदस, एन्देरगेका धर्मेस चोन्हा हिकदस।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।

1 यॊहन 5:2

इत्रु नाम अख़दत का, नाम धर्मेसिन चोन्हा नन्दत ती आसी पॆसका गुट्ठिन पॆस्रदत ख़ने, नाम धर्मेसी ख़द्दारिन चोन्हा नन्दत।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।