7 अना दुलारो, ऎन निमन पुना पॆसकन मल लिखदन, लिकिन ऒड़ तिम निमा ख़क्ख्रका पच्चा पॆसकन दिम लिखदन। आ पच्चा पॆसका गा नीम मुन्द मेंजका कत्था दिम हवे।
नीम एन्ने नॆगन हूँ मेंजकादर का, ‘निंग्है अरबर-परबारिन चोन्हा नना अरा निंग्है बैरीरिन खींस नना।’
ऎन निमा गे ओन्टा पुना पॆसका चि'अदन, नीम ओर्त ओर्त गने चोन्हा नना। एकासे ऎन निमन चोन्हा नंजकन, अन्नेम नीम हूँ ओर्त ओर्त गने चोन्हा नन्ना र'ई।
ख़ने आर आसिन अरेयोपगोस गुसन होच्चर केरर। अरा असन आर मेंजर, “एन्देर ऎम अख़'आ ओंग्दम का नीन पुना कत्था तेंगदय ईद एन्देर हवे?
बॆस संगेरो! ऎम ई लेक्खा ब'आ लगदम, अन्नु हूँ निम्है पत्त नू नीम इदही ती कोड़हे बॆस नलख गुट्ठिन ननोर अरा नाड़रना ही डहरे नू ऎकोर, एन्ने एमा पखड़ असरा र'ई।
ऒड़ नू नीम एन्देर कत्था मेंजकर, आद निम्है नू बन्चकी र'अना र'ई। अरा एका कत्थन नीम ऒड़ नू मेंजकादर आद निम्है नू बन्चकी र'ई होले, नीम हूँ ख़द्दस अरा बंगस नू बन्चका र'ओर।
नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।
अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।
अना दुलारो, नम्है जिया नमन बदी मल नन्त'ई होले, नाम धर्मेस गुसन डिढ गने बर'आ ओंग्दत।
अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।
अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।
अना दुलारो, धर्मेस ई लेक्खम नम्है मइय्याँ एन्ने कोड़हे चोन्हा नंजस होले, नाम हूँ ओर्त ओर्त गने चोन्हा नन्ना र'ई।
एका ओर्तस धर्मेस गने चोन्हा नन्दस, आस गे तंग्है संगे मसी भईस गने हूँ चोन्हा नन्ना र'ई। ई पॆसकन दिम नाम धर्मेस ती ख़क्खकादत।
अना दुलारो, नाम ओर्त ओर्त गने चोन्हा नन्दत नेकअन। एन्देरगेका चोन्हा धर्मेस ती बर'ई। अरा एकास चोन्हा नन्दस आस धर्मेसी ख़द्द र'अदस, अरा धर्मेसिन अख़दस।