1 यॊहन 2:6 - पुना गच्छरना NT (BSI)

⁶ औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।

1 यॊहन 2:6 ပူးပေါင်းရင်းမြစ်များ

मत्तायोस 11:29

एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर।

यॊहनस 13:15

एन्‍देरगेका ऎन निमा नमुना ऎदकन। एकासे ऎन निम्‍है गने नंजकन, अन्नेम नीम हूँ ननके।

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

1 कोरिन्‍थ 11:1

नीम एंग्‍है ऎकना लेक्‍खा ऎका, एकासे ऎन मसीस लेक्‍खा ऎकदन।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

1 पतरस 2:21

इदगेम नीम मॆंख्रका हूँ र'अदर। एन्‍देरगेका मसीस हूँ निमा गे सस्‍ती सारचस ती नीम आसी उज्जना ओक्कना लेक्‍खा उज्जा ऎका गे निमा गे ओन्टा चिन्हा आबोन अम्बका केरकादस।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

1 यॊहन 2:4

एकअम ओर्तस ब'अदस का, “धर्मेसिन ऎन अख़दन,” लिकिन आस धर्मेसी पॆसका गुट्ठिन मल पॆस्रदस होले, आस ठक'उस र'अदस, अरा आस मानी लगे मल उज्जदस।

1 यॊहन 3:24

एकास धर्मेसी पॆसका गुट्ठिन पॆस्रदस, आस धर्मेस गने मेस्रना नू बन्चकादस, अरा धर्मेस हूँ आस गने मेस्रना नू बन्चकादस। धर्मेस नमा गे चिच्का नेम्हा बॊलतस ती नाम इदन अख़दत का धर्मेस नम्है गने मेस्रना नू बन्चकादस।

1 यॊहन 3:6

एका ओर्तस मसीस नू बन्चका र'अदस, आस पाप नन्नुम मल र'अदस। लिकिन एका ओर्तस पाप नन्नुम र'अदस, आस आसिन मल्ला हूँ ईरका, अरा आस आसिन बलदस हूँ।

1 यॊहन 4:17

एन्ने नाम धर्मेस नू बन्चका र'अना अरा धर्मेस नम्है नू बन्चका र'अना ती नम्है चोन्हा बड़ियर मन'ओ क'ओ। औंगे नमा नेंवई उल्ला गे एल्चना मल मनो। एन्देरगेका ई ख़ॆख़ेल नू नम्है उज्जना मसीसी उज्जना लेक्खा र'ई।