1 यॊहन 2:3 - पुना गच्छरना NT (BSI)

³ नाम धर्मेसी पॆसका गुट्ठिन पॆस्र'ओत होले, अत्रु नाम अक्ख ख़च्चोत का नाम आसिन अक्ख ख़च्चिका र'अदत।

1 यॊहन 2:3 ပူးပေါင်းရင်းမြစ်များ

लू‍कस 6:46

नीम एंग्‍है ब'अनन मल पॆस्रदर, होले हूँ एंगन अना उर्बायो, अना उर्बायो, एन्‍देरगे ब'अदर?

यॊहनस 14:15

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 15:14

ऎन एन्‍देर एन्‍देर पॆसकन अदिन नीम नन्‍दर होले, नीम एंग्‍है संगेर र'अदर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 यॊहन 2:13

अना बंगारो! एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।

1 यॊहन 3:19

इत्रुम नाम अख़'ओत का नाम नम्है उज्जनन मानिम कत्था ही लेक्खा उज्जदत। होले धर्मेसी मुन्दहारे नाम डिढ गने इज'आ ओंगोत।

1 यॊहन 3:6

एका ओर्तस मसीस नू बन्चका र'अदस, आस पाप नन्नुम मल र'अदस। लिकिन एका ओर्तस पाप नन्नुम र'अदस, आस आसिन मल्ला हूँ ईरका, अरा आस आसिन बलदस हूँ।

1 यॊहन 4:13

धर्मेस तंग्है बॊलतासिन नमा गे चिच्कादस। इत्रुम नाम अख़दत का नाम आस नू बन्चकादत, अरा आस नम्है नू बन्चकादस।

1 यॊहन 4:7

अना दुलारो, नाम ओर्त ओर्त गने चोन्हा नन्दत नेकअन। एन्देरगेका चोन्हा धर्मेस ती बर'ई। अरा एकास चोन्हा नन्दस आस धर्मेसी ख़द्द र'अदस, अरा धर्मेसिन अख़दस।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।

1 यॊहन 5:2

इत्रु नाम अख़दत का, नाम धर्मेसिन चोन्हा नन्दत ती आसी पॆसका गुट्ठिन पॆस्रदत ख़ने, नाम धर्मेसी ख़द्दारिन चोन्हा नन्दत।

1 यॊहन 5:3

धर्मेसी पॆसका गुट्ठिन पॆस्रना दिम धर्मेसिन चोन्हा नन्ना हवे। अरा आसी पॆसका गुट्ठी ओत्था मलकी।

दहदर मंजका कत्‍था 12:17

ख़ने डेना र'ऊ नेर्रे आ आलिन कयरारा, अरा अदही बछ्रका ख़द्दर गने लड़'आ उरखा, एकार धर्मेसी पॆसकन पॆस्रका ती येसुसी सिखाब'अना नू ठिमठिमने र'अनर।

दहदर मंजका कत्‍था 14:12

इदही मने ईद हिके का धर्मेसी पॆसका गुट्ठिन पॆस्रका ती येसुसी मइय्याँ ता पत्त'अना नू ठिमठिमने र'ऊ नेम्हा आलर खतिर गने सहना र'ई।

दहदर मंजका कत्‍था 22:14

एकार तम्‍है किचरी गुट्ठिन नॊड़नर ती सुध उइय्नर, आर आसीस ख़क्ख'ऊ र'अनर। आर लेका नगरे ही बली ती कोर'आ गे अरा उज्‍जना ही मन्न ही ख़ंजपन मोख़ा गे अदिया ख़क्खोर।