1 यॊहन 2:25 - पुना गच्छरना NT (BSI)

²⁵ जनमजुग उज्जनन चि'ओन एन्ने आस नम्है गने गच्छरस, ईदिम आसी गच्छरना हवे।

1 यॊहन 2:25 ပူးပေါင်းရင်းမြစ်များ

लू‍कस 18:30

आर ई जुग नू क‍इय्यों गुना ख़क्‍खोर, अरा बरना जुग नू धर्मेस गने जनमजुग ही उज्‍जनन ख़क्‍खोर।”

यॊहनस 10:28

अरा अबड़ा गे ऎन जनमजुग उज्‍जनन चि'अदन। अरा इकला हूँ अबड़ा मल नठार'ओ, अरा अबड़न नॆ हूँ एंग्‍है ख़ेक्खा ती बच्‍चा पोल्‍लोर।

यॊहनस 12:50

अरा ऎन अख़दन का आसी पॆसका जनमजुग उज्‍जना गे कड़हाब'ई। औंगे बंगस एंगन ब'आ गे आनदस, अदन दिम ऎन ब'अदन।”

यॊहनस 3:15

औंगे नॆ मनवा ख़द्दन एंगा नू पत्त'अनर, आर ओर्मर जनमजुग उज्‍जनन ख़क्‍खोर।

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:47

ऎन निमन मानिम ब'अदन, नॆ पत्त'अदस आस गे जनमजुग उज्‍जना र'ई।

यॊहनस 6:54

नॆ एंग्‍है अहड़न मॊख़दस, अरा एंग्‍है ख़ॆंसन ओन्दस, आस गे जनमजुग उज्‍जना र'ई, अरा छेद्दे उल्‍ला आसिन फेन उज्‍जा चॊद'ओन।

यॊहनस 6:68

सिमॊन पतरस आसिन आनाकिर्ताचस, “उर्बायो, ऎम नॆख'आ गुसन क'ओम? निंग्‍है गुसन गा जनमजुग उज्‍जना ही कत्‍था गुट्ठी र'ई।

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

रोमी 5:21

पाप खे'अना ती राजी नंजा। ई लेक्‍खा धर्मेसी चोन्‍हा हूँ उजगो ती नम्‍है उर्बस येसु मसीस ती जनमजुग ही उज्‍जनन ओन्‍द्र'आ गे राजी ननी।

रोमी 6:23

एन्‍देरगेका पाप ही बनी गा खे'अना र'ई, लिकिन धर्मेसी मया ही इनाम उर्बा मसी येसुस नू जनमजुग उज्‍जना र'ई।

गलातिया 6:8

एन्‍देरगेका एकास तंग्‍है कया आबोन रिझ्रत'आ गे उज्‍जोस आस मुंजा मलका नठारनन ख़क्‍खोस। अरा एकास बॊलतन रिझ्रत'आ गे उज्‍जोस आस मुंजा मलका उज्‍जनन ख़क्‍खोस।

1 तीमोथियुस 1:16

लिकिन एंग्‍है म‍इय्याँ इदगे सोग्‍गे मंजा का ऎन उर्मी ती कोहाँ पापहा आलन नू येसु मसीस तंग्‍है उर्मी कयास आबोन ऎदस। एन्‍देरगेका एका ओर्तर उर्बा येसुस नू पत्त'अनर ती जनमजुग ही उज्‍जना ख़क्‍खनर आर गे आस कोड़हे कयास ऎद'ओस, आर गे ऎन ओन्‍टा चिन्‍हा मंजकन।

1 तीमोथियुस 6:12

एकासे बॆस सैनस तंग्‍है लड़ाइन लड़दस अन्ने नीन पत्त'अना ही दौ अरबानखर'आ अरा जनमजुग ही उज्‍जनन धर'आ। इदगेम नीन मॆख़रकादय, अरा बग्‍गे गोवाह आलर ही मुन्‍दहारे निंग्‍है पत्त'अनन बॆस ऎदकादय।

1 तीमोथियुस 6:19

एन्ने नन्ना ती आर तम्‍है खुर्जिन मेर्ख़ा नू बछाब'अनर ती उइय्यनर अरा तम्‍है बरना उल्‍ला गे बड़ियर नेव उइय्यनर। इत्रु आर मानिम उज्‍जनन तम्‍है आकुस नू नन्नर।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

तीतुस 3:7

आस तंग्‍है मया ती नमन उजगो आल ऎदस, अरा नमा गे जनमजुग ही उज्‍जना ख़क्‍खा गे असरा चिच्‍चस।

1 यॊहन 1:2

एकास आ मानिम उज्जना र'अदस, आसिन धर्मेस एमा गे दहदर नंजस। अरा ऎम आसिन ईरकादम ती आसी पत्त नू गोवाह चि'अदम। धर्मे बंगस गने रहचका आ जनमजुग उज्जना ही पत्त दिम ऎम निमा गे मेन्त'अदम। अक्कु आस एमा गे दहदर मंजका र'अदस।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

यहूदा 1:21

अरा धर्मेसी चोन्हा नू कमरका र'आ। नम्है उर्बस येसु मसीसी सोग्गे नमा गे जनमजुग उज्जनन ओन्द्र'ओ आ उल्ला ही पाब ऎरा।