1 यॊहन 2:21 - पुना गच्छरना NT (BSI)

²¹ नीम मानी आबोन बलना ती मला, नीम मानी आबोन अख़ना ती, अरा एकअम ठकना मानी तरती मल बर'ई इदन नीम अख़ना ती दिम ऎन इदन निमा गे लिखदन।

1 यॊहन 2:21 ပူးပေါင်းရင်းမြစ်များ

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

याकॊब 1:19

अना एंग्‍है चोन्हा भईरो, ई कत्‍थन नीम अख़'आ हो'आ का, अक्कु नीम ओर्मर मेन्ना नू लॆम मिनुर मना। अरा ब'अना नू अरा कैर मन्ना नू दीरी नना।

2 पतरस 1:12

औंगे इबड़ा कत्था गुट्ठिन सगरो सुरता नन्ताते र'ओन। नीम इबड़न मुन्द तिम अक्कादर, अरा अक्कुन इबड़ा कत्था गुट्ठी नू मानिम नू बन्चका र'अदर। अन्नु हूँ अउरिम सुरता नन्त'आ बेद्ददन।

1 यॊहन 3:19

इत्रुम नाम अख़'ओत का नाम नम्है उज्जनन मानिम कत्था ही लेक्खा उज्जदत। होले धर्मेसी मुन्दहारे नाम डिढ गने इज'आ ओंगोत।

यहूदा 1:5

इबड़ा उर्मी कत्थन नीम मुन्द दिम अक्का र'अदर। अन्नु हूँ ऎन निमा गे इदन सुरता नन्त'अदन का उर्बस तंग्हा चज्जिका इस्राऎल आलारिन मिसर राजी नू आर ही जॊंख़ ही दसा ती बहरी ओन्द्रस ती नाड़ियस, लिकिन ख़ॊख़ा नॆ मल पत्ताचर आरिन नठाबाचस।