1 यॊहन 2:17 - पुना गच्छरना NT (BSI)

¹⁷ ख़ॆख़ेल अरा अदही चिबाख़ारना आबो मुंजुर'ओ क'ओ। लिकिन धर्मेसी मनेन ननुस गा जनमजुग गे बन्चका र'ओस।

1 यॊहन 2:17 ပူးပေါင်းရင်းမြစ်များ

मत्तायोस 21:31

इबड़र ती एका ओर्तर तम्‍बासी मने लेक्‍खा नंजर?” अबड़र बाचर, “कोहँस।” येसुस आरिन बाचस, “ऎन निमन मानिम ब'अदन का ऊज'उर अरा खिल्डिर निमन ती मुन्‍द धर्मेसी राजी नू कोरनर।

मत्तायोस 24:35

मेर्ख़ा अरा ख़ॆख़ेल छपर'ओ कालो, लिकिन एंग्‍है कत्‍था इकला हूँ मल बदलार'ओ।

मत्तायोस 7:21

नॆ एंगन अना उर्बायो! अना उर्बायो! ब'अनर लेका आर मेर्ख़ा राजी नू मल कोर'ओर। नॆ एंग्‍है मेर्ख़ा बंगस ही मने लेक्‍खा नन्नर आरिम मेर्ख़ा राजी नू कोर'ओर।

मरकुस 3:35

एका ओर्तर धर्मेसी मने लेक्‍खा ऎकनर, आरिम एंग्‍है भ‍ई अरा एंग्‍है बहिन अरा एंग्‍है अयंग हिकनर।”

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 6:58

ईदिम मेर्ख़ा ती इत्तका असमा हवे। ईद आ असमा लेक्‍खा मल्‍ली, एकदन निम्‍है पूरखर मोक्‍काचर। आर गा केच्‍चर केरर, लिकिन नॆ ई असमन मॊख़ोस, आस जनमजुग उज्‍जोस।”

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

1 कोरिन्‍थ 7:31

अरा नॆ ई ख़ॆख़ेलन ता जिनिसन ब‍उरारनर, आर अबड़ा ही गने बग्‍गे पत्तार'ऊ मल मन्ना र'ई। एन्‍देरगेका ई ख़ॆख़ेल बग्गे उल्ला गूटी मल र'ओ।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 थेस्‍सलोनिकॆयर 4:3

धर्मेस बेद्ददस का नीम नेम्‍हा मना अरा पेहरन ही सोतरा नलख ती बछर'आ।

1 थेस्‍सलोनिकॆयर 5:18

उर्मी दसा नू धन्‍यवाद नना। एन्‍देरगेका निमा गे मसी येसुस नू धर्मेसी मने इदिम र'ई।

इब्रानी 10:36

निमा सहना ती र'अना चाड़ र'ई। होले नीम धर्मेसी मनेन नंज ख़च्चिका ती आसी गच्‍छरका ख़ंजपन ख़क्‍खोर।

याकॊब 4:14

नीम इदन हूँ बलदर का नॆला निमा गे एन्‍देर मनो महले निम्है उज्जना नू एन्देर मनो। निम्है उज्जना गा पैरी ता कीबा लेक्खा र'ई, आद एगघड़ी ईथर'ई अरा ख़ॊख़ा आद उधियार'ई।

1 पतरस 1:5

नीम गा आ नाड़रनन ख़क्खना गूटी निम्‍है पत्त'अना ती धर्मेस तंग्है सवंग ती निमन ख़ापालदस। आ नाड़रना छेद्दे बेड़ा नू दहदर मना गे सपड़ारकी र'ई।

1 पतरस 4:2

इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।