1 यॊहन 2:11 - पुना गच्छरना NT (BSI)

¹¹ लिकिन एका ओर्तस तंग्है संगे मसी भईसिन हींड़दस, आस ऊख़ा नू र'अदस अरा ऊख़ा नू ऎकदस, अरा आस एसन कालदस अदिन बलदस, एन्देरगेका ऊख़ा आसिन अन्धहा नंजकी चिच्की र'ई।

1 यॊहन 2:11 ပူးပေါင်းရင်းမြစ်များ

यॊहनस 12:35

ख़ने येसुस आरिन बाचस, “बिल्‍ली अक्‍कुन निम्‍है गने जुक्‍किम बेड़ा गे र'ओ। ऊख़ा निमन कुलना ती मुन्‍द, बिल्‍ली निम्‍है गने र'अना बारिम नीम अइय्या नू ऎका। ऊख़ा नू ईकू आलस तान एसन कादस अदिन बलदस।

यॊहनस 12:40

“धर्मेस आर ही ख़न्‍नन कना, अरा आर ही जियन बेड़हा नंजका र'अस। एन्ने अम्‍बो मना का आर ख़न्‍न ती ऎरोर, अरा जिया ती बुझुर'ओर, अरा आर एंग्‍है गुसन किर्रोर बर'ओर, अरा ऎन आरिन कोड़े ननोन।”

2 कोरिन्‍थ 3:14

लिकिन आर ही जिया गुट्ठी बेड़हा मंजकी किरकी रहचा। इन्ना गूटी हूँ गा पच्चा गच्छरनन पढ़ना बारी आ कुलकुटरना मल ओथ्रना बारिम र'ई। एन्देरगेका मसीस दिम अदिन चलख़'आ ओंग्दस।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

2 पतरस 1:9

लिकिन नॆख'आ नू इबड़ा गुन्न गुट्ठी मलकी आस अन्धहा लेक्खा र'अदस, अरा गेच्छा ऎरा पुल्लू लेक्खा र'अदस। आस मुन्द ता तंग्है पाप गुट्ठी ती तान नॊड़र'अरकी सुध मन्तारकाचस अदिन मॊध्रकादस।

1 यॊहन 1:6

औंगे नाम धर्मेस गने मेस्रकत ती उज्जदत ब'अदत ती ऊख़ा नू उज्जा लगदत होले, नाम ठकदत अरा मानी लगे उज्जुर मल र'अदत।

1 यॊहन 2:10

एका ओर्तस तंग्है संगे मसी भईसिन चोन्हा नन्दस, आसिम बिल्ली नू र'अदस, अरा नन्नारिन मूड़त'अना एन्देर कत्था हूँ आस नू मलकी।

1 यॊहन 2:9

एका ओर्तस तान बिल्ली नू र'अदन ब'अदस, लिकिन तंग्है संगे मसी भईसिन हींड़दस, आस अक्कु गूटी ऊख़ा नू र'अस।

1 यॊहन 3:15

एका ओर्तस तंग्है संगे मसी भईसिन ख़ाँड़दस, आस आल पिटुस हिकदस। अरा नीम अख़दर का आल पिटुर नू जनमजुग उज्जना मल र'ई।

1 यॊहन 4:20

एकअम ओर्तस “ऎन धर्मेसिन चोन्हा नन्दन” ब'अदस, लिकिन तंग्है संगे मसी भईसिन ख़ाँड़दस होले, आस ठक'उस र'अदस। एन्देरगेका तान ईरका तंग्है संगे मसी भईसिन चोन्हा मल ननुस, तान मल ईरका धर्मेसिन चोन्हा नना पोलदस।

दहदर मंजका कत्‍था 3:17

नीन एन्ने ब'अदय का, ‘ऎन उरुब र'अदन, अरा एंग्‍है गुसन उर्मी र'ई, अरा एंगा इन्द्रिइम लॊ ही चाड़ मलकी।’ लिकिन नीन इदन बलदय का, नीन कोहाँ ख़त्तय अरा नॆख'आ ही मया मलका अरा कीड़ा अरा अन्धहा अरा ठेठेंगे र'अदय।