1 यॊहन 1:9 - पुना गच्छरना NT (BSI)

⁹ लिकिन नाम नम्है पाप गुट्ठिन आसिन तेंग्र'ओत होले, आस नम्है पाप गुट्ठिन छमा नना गे, अरा नमन नम्है उर्मी मलदौ ती निमन नना गे पत्त'अना जॊगे अरा पूरेम दौले र'अस।

1 यॊहन 1:9 ပူးပေါင်းရင်းမြစ်များ

मत्तायोस 3:6

असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

मरकुस 1:5

येरुसलॆम नगरे अरा यूदेया जिला ही नन्ना नन्ना अड्डा ती नगदे आलर आसी गुसन कालालियर। असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

लू‍कस 22:57

ख़ने पतरस नटचस ती बाचस, “अनय कुकेय, ऎन आसिन बलदन।”

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

त‍इरकर 19:18

अबड़र ती बग्‍गे आलर नॆ पत्ताचकाचर, आर बरचर ती तम्‍है मलदौ नलख गुट्ठिन परगट रूप नू हुकमारर।

रोमी 3:26

ई परिया नू तंग्‍है उजगो आबोन ऎद'आ गे धर्मेस येसुसिन चिच्‍चस। धर्मेस इदिन एन्ने ऎद'आ गे नंजस का आस ठौका ती नेंव‍ई नना ओंग्दस, अउर हूँ आस येसुस म‍इय्याँ पत्त'उरिन उजगो कमदस।

1 कोरिन्‍थ 1:9

धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

इफेसुस 5:26

मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

इब्रानी 11:11

पत्त'अना ती अब्राहमस, तंग्‍है बछर बग्‍गे मंजका ती हूँ, अरा सारा बंझली रहचा होले हूँ, आस बंग मन्ना ही सवंग ख़क्‍खियस। एन्‍देरगेका आस तंगा गे गच्‍छरना चिच्का धर्मेसिन मानिम आ गच्‍छरकन ननोस एन्ने असरा नंजस।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

दहदर मंजका कत्‍था 15:3

अरा आर धर्मेसी जॊंख़स मूसासी डंडीन अरा भेंडो ख़द्द मसीसी डंडीन पाड़ियर, “अना उर्मी ती सवंगिय धर्मे उर्बायो, निंग्‍है नलख गुट्ठी कोहाँ अरा अजगुत र'ई। जुग गुट्ठी ही बॆलायो, निंग्‍है डहरे गुट्ठी उजगो अरा मानिम र'ई।