1 यॊहन 1:7 - पुना गच्छरना NT (BSI)

⁷ लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

1 यॊहन 1:7 ပူးပေါင်းရင်းမြစ်များ

मत्तायोस 6:12

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्नेम एम्‍है अक्‍का-बलकन हूँ अम्‍बा चि'आ।

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 12:35

ख़ने येसुस आरिन बाचस, “बिल्‍ली अक्‍कुन निम्‍है गने जुक्‍किम बेड़ा गे र'ओ। ऊख़ा निमन कुलना ती मुन्‍द, बिल्‍ली निम्‍है गने र'अना बारिम नीम अइय्या नू ऎका। ऊख़ा नू ईकू आलस तान एसन कादस अदिन बलदस।

यॊहनस 5:4

एन्‍देरगेका बेड़ा बेड़ा नू उर्बासी पैकस पोखारी नू एत्ता लगियस ती अम्मुन नुक'आ लगियस, अम्मु नुक्रना गनेम नॆ मुन्‍द आ पोखारी नू एत्ता लगियस, आस इन्द्रिइम रोगे र'ओस होले हूँ कोड़े मना लगियर।]

रोमी 13:12

माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

इफेसुस 1:7

मसीस नू आस बाहताचका ख़ॆंस ती नमा गे नाड़रना र'ई। ईद नम्है अक्‍का-बलका गुट्ठी गे धर्मेसी मया ही निंदका ती ख़क्ख्रना पाप छमा हवे।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

1 तीमोथियुस 6:16

मल खि'ऊ आसिम हिकदस। आसदिम सगरो उज्‍जू र'अदस। आस अकय कोड़हे बिल्‍ली नू र'अदस। आसिन नॆ हूँ मल्‍ला ईरका अरा इकल‍अम हूँ ऎरा पोलनर। आस गेम ओहमा अरा पया हुल्‍लो ती हुल्‍लो गूटी र'अन नेक‍अन। आमेन।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

1 पतरस 1:19

लिकिन नीम बिगर बदी अरा बिगर पाप ही भेंडो ख़द्द लेक्खा मसीसी कोड़हे दाम ही ख़ॆंस ती नाड़रकादर।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 1:5

ई कत्थन ऎम आस ती मेंजकम ती निमा गे मेन्त'अदम। धर्मेस बिल्ली हिकदस, अरा आस नू कटीसकेम हूँ ऊख़ा मलकी।

1 यॊहन 5:6

येसु मसीस अम्मु नू नॊड़रस ती अरा क्रुस नू तंग्है ख़ॆंसन बहाबाचका ती धर्मेसी ख़द्दस एन्ने दहदर मन्तारस। अम्मु ती लेका मला लिकिन अम्मु अरा ख़ॆंस ती आस दहदर मन्तारस। ईद मानिम एन्ने नेम्हा बॊलतस हूँ गोवाह चि'अदस, एन्देरगेका बॊलतस सगरो मानिमन ब'अदस।

1 यॊहन 5:8

नेम्हा बॊलतस, अरा अम्मु, अरा ख़ॆंस इबड़ा तिनियों ओन्टेम गोवाहन चि'ई।

2 यॊहन 1:4

धर्मे बंगस ती ख़क्ख्रका पॆसका ही लेक्खा निंग्है ख़द्दर ती जोक्कोर मानी नू ऎकनन ईरकन ती ऎन कोड़हे रिझ मंजकन।

3 यॊहन 1:4

एंग्है ख़द्द-ख़र्रर मानी नू उज्जा लगनर एन्ने मेन्ना ती नन्ना कोड़हे रिझ्रना एंगा मलकी।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 7:14

ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।