1 यॊहन 1:5 - पुना गच्छरना NT (BSI)

⁵ ई कत्थन ऎम आस ती मेंजकम ती निमा गे मेन्त'अदम। धर्मेस बिल्ली हिकदस, अरा आस नू कटीसकेम हूँ ऊख़ा मलकी।

1 यॊहन 1:5 ပူးပေါင်းရင်းမြစ်များ

यॊहनस 1:19

येरुसलॆम ता यहूदीर नैगारिन अरा लेवी गोतोर ता आलारिन “नीन एका ओर्तय?” एन्ने मेना गे यॊहनस गुसन त‍इय्यर।

यॊहनस 1:4

अरा गढ़्रका ओर्मा तंग्‍है उज्‍जनन आसी ती ख़क्‍खिया, अरा आसी उज्‍जना ओर्मर गे बिल्‍ली चिच्‍चा।

यॊहनस 1:9

एकास मानी बिल्‍ली र'अदस, आस ओर्मर गे बिल्‍ली चि'अदस, आस अक्‍कु ख़ॆख़ेल नू बर'आ लगियस।

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

यॊहनस 9:5

ऎन ख़ॆख़ेल नू र'अना बारी ऎन ख़ॆख़ेल ही आलर गे बिल्‍ली र'अदन।”

1 कोरिन्‍थ 11:23

एन्‍देरगेका ऎन ई कत्‍थन उर्बस ती ख़क्‍खन, अरा ऎन इदन निमा गे हूँ अंड़सताचकन। उर्बा येसुस एका माख़ा पिटर'आ गे धरतारस, आस असमन होच्‍चस,

1 तीमोथियुस 6:16

मल खि'ऊ आसिम हिकदस। आसदिम सगरो उज्‍जू र'अदस। आस अकय कोड़हे बिल्‍ली नू र'अदस। आसिन नॆ हूँ मल्‍ला ईरका अरा इकल‍अम हूँ ऎरा पोलनर। आस गेम ओहमा अरा पया हुल्‍लो ती हुल्‍लो गूटी र'अन नेक‍अन। आमेन।

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

1 यॊहन 3:11

नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।

दहदर मंजका कत्‍था 21:23

अरा आ नगरे नू बिल्ली चि'आ गे बीड़ी महले चन्‍दो ही चाड़ मलकी, एन्‍देरगेका धर्मेसी महबा दिम अदिन बिल्‍चत'ई चि'ई, अरा भेंडो ख़द्द मसीस अदही बिल्‍ली र'अदस।

दहदर मंजका कत्‍था 22:5

अरा असन माख़ा मल मनो, अरा आर गे बिल्‍ली अरा बीड़ी ही बिल्ली ही चाड़ मल मनो, एन्देरगेका धर्मे उर्बस आर गे बिल्‍ली मनोस। अरा आर हुल्‍लो ती हुल्‍लो गूटी राजी ननोर।