1 यॊहन 1:4 - पुना गच्छरना NT (BSI)

⁴ ऎम इबड़ा कत्थन इदगे लिखदम का एम्है रिझ पुरा मनन कालन नेकअन।

1 यॊहन 1:4 ပူးပေါင်းရင်းမြစ်များ

यॊहनस 15:11

ऎन इबड़ा कत्‍थन इदगे तिंका र'अदन का एंग्‍है रिझ्रना निम्‍है नू बन्चका र'ओ, अरा निम्‍है रिझ्रना नीदो कालो।

यॊहनस 16:24

नीम अक्‍कुन गूटी एंग्‍है नामे ती एन्‍द्रन हूँ मल नॆचका र'अदर। ने'आ, होले नीम ख़क्‍खोर का निम्‍है रिझ्रना नीदो क'ओ।

यॊहनस 3:29

बेंजा पेल्‍लो बेंजा जॊंख़सी दिम हवे। लिकिन बेंजा जॊंख़ासी संगेस गा आसी हेद्दे इज्‍जदस ती आसी कत्‍थन मेन्‍दस। आस बेंजा जॊंख़ासी कत्‍थन मेन्‍दस ती नगदे रिझ्रदस। एंग्‍है रिझ एन्ने दिम हवे। आद अक्‍कु पुरचा।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

इफेसुस 3:19

अरा नीम मसीसी चोन्‍हन अख़दर नेकअन, एकदा अख़ना लूर ती गेच्‍छा र'ई। ई लेक्‍खा नीम धर्मेसी उर्मी लेक्खा निंदका ती निंद्रदर नेकअन।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

2 यॊहन 1:12

निमा गे लिख'आ गे नगदे कत्था र'ई, लिकिन ऎन कागज अरा सियाही ती लिख'आ मल बेद्ददन। ऎन निम्है गने भेंटार'ओन ती छम्‍हा छम्‍हें कछनख्र'ओन। एकत्रु नम्है रिझ्रना अउर कोड़हे मनो क'ओ।