1 यॊहन 1:3 - पुना गच्छरना NT (BSI)

³ नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 1:3 ပူးပေါင်းရင်းမြစ်များ

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 19:35

(एकास इदन ईरियस आस गोवाह चि'अदस, अरा आसी गोवाह मानिम र'ई। आस अख़दस का आस मानिम ब'अदस। नीम हूँ पत्त'आ गे दिम आस इदन गोवाह चि'अदस।)

त‍इरकर 13:32

अक्‍कु ऎम धर्मेस नम्‍है पूरखर गने नंजका गच्‍छरका ही पत्त ता दौ कत्‍थन निमन तेंगदम।

त‍इरकर 13:41

‘अना निंदा ननू आलारो! ऎरा, अकबक मना अरा खे'आ कला। ऎन गा ओन्‍टा नलखन निम्‍है उल्‍ला गुट्ठी ननोन। ओर्तोस अदही पत्त नू निमन तेंगोस। अन्नु हूँ नीम अदिन मल पत्त'ओर।’”

त‍इरकर 2:42

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

त‍इरकर 20:27

एन्‍देरगेका धर्मेस एन्‍द्रन नीम अख़'आ गे बिद्दियस अबड़ा उर्मिन ऎन निमा तिंकन।

त‍इरकर 4:20

एन्‍देरगेका ऎम एन्‍दरन ईरकादम अरा मेंजकादम अदही पत्त नू मल तेंगना एम्‍है ती मल मनो।”

रोमी 15:27

आर इदिन नना गे रिझ्रर, अरा आर इदिन नना गे मानिम नू आर ही नहड़ा हूँ र'अनर। एन्‍देरगेका नन-यहूदीर यहूदीर ही बॊलता बरकत गुट्ठिन खटरर, होले आर गे तम्‍है ढिबा खुरजी गुट्ठी ती यहूदीर गे सहाड़ा नन्ना र'ई।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 1:9

धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

1 कोरिन्‍थ 15:1

अना भईरो! अक्‍कुन ऎन निमन तिंका दौ कत्‍थन अउर हूँ सुरत'आ गे बेद्ददन। अदिन नीम इंझ्रकर हूँ अरा अइय्या नीम बड़ियर मंजकर ती र'अदर।

2 कोरिन्‍थ 13:14

उर्बस येसु मसीसी मया अरा धर्मेसी चोन्हा अरा नेम्‍हा बॊलतासी मेस्रका नीम ओर्मर गने र'अन नेकअन।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

फिलिप्‍पी 1:7

नीम ओर्मर ही पत्त नू एंगा एन्ने सोचना ठौका दिम हवे। एन्‍देरगेका निमा गे एंग्है जिया नू ओन्टा मुध अड्डा र'ई। अरा ऎन जेहेल नू र'अना बारी, अरा दौ कत्‍था ही ओदहा नू तेंगरकी अदिन बड़ियर ननो बारी नुम नीम ओर्मर धर्मेस एंगा चिच्का नलख नू मेस्रकर।

फिलिप्‍पी 2:1

औंगे नीम मसीसी र'अना ती जिया सालना, अरा चोन्‍हा ती डिढ, अरा नेम्हा बॊलतासी गने मेस्रका अरा दया अरा सोग्‍गे ऎरना र'अना ती,

फिलिप्‍पी 3:10

अरा ऎन मसीसिन अख़'आ गे, अरा आसी उज्‍जा चो'अना ही सवंगन अख़'आ गे बॆद्दन। अरा आस गने दुक्‍खे गुट्ठिन चॊदना नू बटा मना गे, अरा आसी लेक्खा खे'आ गे बेद्ददन।

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

1 थेस्‍सलोनिकॆयर 1:10

अरा नीम आसी तंग्‍दासी मेर्ख़ा ती बरना ही पाब ऎरालदर, नॆकन धर्मेस केचका ती उज्‍जताचस। आसिम येसुस हिकदस नॆ नमन बरना नेंवई ही खींस ती बछाब'अदस।

1 तीमोथियुस 6:2

अरा पत्त'ऊ उर्बर ही किइय्या ता बिट्ठी ननू जॊंख़र तम्‍है उर्बर पत्त'ऊ र'अना चड्डे आरिन जुक्‍किम म‍ईन अम्‍बोर नना। आर गे अउर हूँ बग्‍गे म‍ईन मरजात नन्ना र'ई। एन्‍देरगेका आर पत्त'ऊ आलारिन संगरा अरा चोन्‍हा नन्नर। इबड़ा कत्‍थन नीन कलीसियन सिखाब'आ अरा बुझाब'आ।

इब्रानी 2:12

आस ब'अदस, “ऎन एंग्‍है भ‍ईर गे निंग्‍है पत्त नू तेंगोन, अरा गोड़हा एड़पा ही मुन्‍दहारे निंग्‍है ओहमन पाड़ोन।”

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

2 पतरस 1:16

लूरगर ती कमचका ख़ीरी गुट्ठी नू ऎम मल ऎकरकी, लिकिन आसी महबन एम्है ख़न्न ती ईरुर रहचका ती दिम, ऎम नम्है उर्बस येसु मसीसी सवंग अरा आसी बरना ही पत्त नू निमा गे तिंकम।

1 यॊहन 1:1

उज्जना चि'ऊ कत्था र'अदस, आसी पत्त नू ऎम निमा गे मेन्त'अदम। आस ऒर तिम रहचस। आसिन दिम ऎम मेंजकादम, अरा एम्है ख़न्न ती ईरकादम, अरा आसिन ऎम मानिम नू ईरकादम, अरा आसिन एम्है ख़ेक्खा गुट्ठी ती एंवसड़कम।

1 यॊहन 1:5

ई कत्थन ऎम आस ती मेंजकम ती निमा गे मेन्त'अदम। धर्मेस बिल्ली हिकदस, अरा आस नू कटीसकेम हूँ ऊख़ा मलकी।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।