1 यॊहन 1:10 - पुना गच्छरना NT (BSI)

¹⁰ नाम पाप मल्ला नंजका ब'अदत होले, नाम धर्मेसिन ठकवा ब'अदत, अरा एन्ने ऎद्ददम का आसी कत्था गे नम्है जिया नू अड्डा मलकी।

1 यॊहन 1:10 ပူးပေါင်းရင်းမြစ်များ

यॊहनस 3:33

नॆ आसी गोवाह आबोन पत्त'अदस, आस धर्मेस मानिम जॊगे र'अदस एन्ने ऎदस।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

1 यॊहन 1:8

नम्है नू पाप मलकी ब'अदत होले, नाम नमानिम ठकदत, अरा नाम मानी लगे मल उज्जालदत।

1 यॊहन 2:14

अना चोन्हा ख़द्दारो, नीम धर्मे बंगासिन अक्का र'अना ती ऎन निमा लिखदन। अना बंगारो, एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, नीम पत्त'अना नू बड़ियर र'अना ती, अरा धर्मेसी कत्था निम्है जिया नू मड़चकी र'अना ती, अरा मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।

1 यॊहन 2:4

एकअम ओर्तस ब'अदस का, “धर्मेसिन ऎन अख़दन,” लिकिन आस धर्मेसी पॆसका गुट्ठिन मल पॆस्रदस होले, आस ठक'उस र'अदस, अरा आस मानी लगे मल उज्जदस।

1 यॊहन 4:4

अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।

1 यॊहन 5:10

एकास धर्मेसी ख़द्दस मइय्याँ पत्त'अदस, आस तंग्है जिया नू अख़दस का धर्मेसी ई गोवाह मानिम र'ई। अरा एकास धर्मेसिन मल पत्त'अदस, आस धर्मेसिन ठकवा कमदस, एन्देरगेका धर्मेस तंग्है ख़द्दासी पत्त नू तिंका गोवाहन आस मल पत्ताचस।

2 यॊहन 1:2

नम्है नू र'अना आ मानी ही चड्डेम ऎम ई लेक्खम चोन्हा नन्दम। ई मानी नम्है गने हुल्लो गूटी बन्चका र'ओ।