1 कोरिन्‍थ 9:8 - पुना गच्छरना NT (BSI)

⁸ ऎन इबड़ा कत्‍थन आलर ही ब'अना लेक्‍खा मल ब'अदन। धर्मेसी नॆग हूँ ई बेसेम ब'ई।

1 कोरिन्‍थ 9:8 ပူးပေါင်းရင်းမြစ်များ

रोमी 3:31

होले नाम ई पत्त'अना ती पॆसकन मेटदत का? कहियों मला। नाम पॆसकन कोड़हे बड़ियर नन्‍दत।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 6:19

ऎन निम्‍है मॆद सुबहा पयहा चड्डे निमन सेब्‍बा ती बुझ्र'आ गे ई कत्‍थन ब'अदन। नीम मुन्‍द निम्‍है मॆद ही अंग गुट्ठिन पाप अरा मलदौ गे जॊंख़ मना चिच्‍चकर, अरा नीम मलदौ गे लेका उज्‍जकर। अन्नेम नीम निमन उजगो उज्‍जना ही जॊंख़ मना गे चि'अना मनो। एकत्रु नीम नेम्‍हा मनोर क'ओर।

1 कोरिन्‍थ 14:34

कलीसिया गुट्ठी नू मुक्‍कर कलेकसे र'अना र'ई। एन्‍देरगेका आर गे कछनख्र'आ गे मल चिरकी र'ई, लिकिन आर तबे नू र'अना र'ई। मूसासी नॆग हूँ एन्नेम ब'ई।

1 कोरिन्‍थ 7:40

अन्नु हूँ एंग्‍है सलहा ईद र'ई का, आद बिगर बेंज्रका ती अन्नेम रही क'ओ होले, आद कोड़हे बरकत ख़क्‍खू आली र'ई। ऎन पत्त'अदन का धर्मेसी बॊलता एंग्‍है मइय्याँ र'ई।

गलातिया 1:11

अना भ‍ईरो! ऎन निमन अख़त'आ बेद्ददन का एका दौ कत्‍था ऎन निमन तिंकादन, आद आलर ही चिताबुता ती गढ़चका मल्‍ली।

1 थेस्‍सलोनिकॆयर 2:13

ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

1 थेस्‍सलोनिकॆयर 4:8

ई चड्डे एकास तिगाब'अनन हींड़दस आस आलारिन मला धर्मेसिन हींड़दस नॆ निमा गे तंग्‍है नेम्‍हा बॊलतासिन चि'अदस।