1 कोरिन्‍थ 9:5 - पुना गच्छरना NT (BSI)

⁵ नन्‍ना तइरकर अरा उर्बासी तंग्ड़िबगर अरा पतरस नन्ना लेक्‍खा एम्‍है गने पत्त'ऊ आलिन बेंज्रका ती हो'अना काना गे एमा गे अदिया मल्‍ला का?

1 कोरिन्‍थ 9:5 ပူးပေါင်းရင်းမြစ်များ

मत्तायोस 13:55

ईस गा बढ़ाईसी ख़द्दस मलदस का? अरा ईसी तंगियो मरियम अरा ईसी भ‍ईर याकॊब, यॊसॆफ, सिमॊन अरा यूदस मलनर का?

मत्तायोस 8:14

एकाबारी येसुस पतरसी एड़पा बरचस, आ बारी पतरसी तंग्सासन नाड़ी ती बिड्रका ईरयस।

मरकुस 1:30

असन सिमॊनसी तंग्सास नगदे कोड़हे नाड़ी ती बिड़रकी रहचा। एड़पा नू रहचर आर लॆम अदही पत्त नू येसुसिन तिंगियर।

मरकुस 6:3

ईस बढ़ाईस मलदस का?, नाम अख़दत का ईस गा मरियम ही तंग्‍दस, अरा ईसी तंग्ड़िबगर याकॊब अरा यॊसॆस अरा यूदस अरा सिमॊन हिकनर। अरा ईसी बहिनोर हूँ नम्‍है पद्दा नू र'अनर।” एन्ने बाचर ती आर आसिन एन्ने म‍ईन मल नंजर।

लू‍कस 6:15

अरा मत्तायोस अरा तॊमस अरा हलफैसी तंग्‍दस याकॊब अरा यहूदीर ही छछिन्‍द सैना ता सिमॊन

लू‍कस 8:20

ख़ने ओर्तोस येसुस ती बाचस, “निंगयो अरा निंग्‍है भ‍इय्योर बहरी इज्‍जका र'‍अनर अरा निंगन भेंट मना बेद्दालनर।”

यॊहनस 1:42

अरा आस सिमॊनसिन येसुस गुसन होच्‍चस। येसुस आसिन ईरियस ती बाचस, “नीन यॊहनसी तंग्‍दय सिमॊन हिकदय। नीन ‘कॆफास’ बार'ओय।” (कॆफासिन ‘पतरस’ एन्ने हूँ ब'अनर।)

यॊहनस 2:12

इदही ख़ॊख़ा येसुस तंग्‍यो अरा तंग्‍है भईर अरा तंग्‍है चेलर गने कफरनहूम नगरे केरस, अरा असन आर जोक्‍क उल्‍ला रहचर।

त‍इरकर 1:14

इबड़ा ओर्मर अरा जोक्‍क मुक्‍कर येसुसी तंग्यो मरियम, अरा आसी भ‍इय्योर गने ओन जिया मंजर ती गोहरारना अरा ने'अना नू र'आलियर।

रोमी 16:1

ऎन नम्‍है बहिन फीबॆ ही पत्त नू निमन आन्‍दन, एकाद केंख़्रेया कलीसिया ता ईरू-ख़ूजू र'ई।

1 कोरिन्‍थ 1:12

एंग्‍है ब'अना ईद र'ई का, निम्‍है ती जोक्‍कोर ब'अनर, “ऎन पौलुसी चोख़र'ऊ हिकदन” नन्नर ब'अनर, “ऎन अप्‍पोल्लॊसी चोख़र'ऊ हिकदन” नन्‍नर ब'अनर, “ऎन पतरसी चोख़र'ऊ हिकदन” अरा नन्नर ब'अनर, “ऎन मसीसी चोख़र'ऊ हिकदन।”

1 कोरिन्‍थ 7:15

लिकिन मल पत्त'ऊ मॆतस महले मुक्‍का अम्‍बर नख्रनर बेद्दनर होले, अम्‍बरनर नेकअन। एन्ने दसा नू पत्त'ऊ मॆतस महले मुक्‍का बेंज्रका ही हॆंरका नू र'आ गे चाड़ मलकी, एन्‍देरगेका धर्मेस नमन सान्‍ति ती उज्‍जा गे मीख़कादस।

1 कोरिन्‍थ 7:39

मुक्‍का एका गूटी तंग मॆतस उज्‍जालदस आ गूटी आद आस ती हींरकी र'ई। लिकिन अदही मॆतस खे'अदस होले, आद उर्बस नू र'ऊ नॆकानिम तंग्‍है मने लेक्‍खा बेंज्र'आ उंगी।

1 कोरिन्‍थ 7:7

ओर्मा आलर हूँ गा एंग्‍है लेक्‍खा डिंडा र'आ गे ऎन बेद्ददन। लिकिन धर्मेस तरती ओर्मर गे मुध इनाम ख़क्‍ख्रकी र'ई। ईद ओर्तोस ओन बेसे नन्‍नस गे नन्‍ना बेसे र'ई।

1 कोरिन्‍थ 7:8

बिगर बेंज्रकर अरा रड़ियाहिर ही पत्त नू एंग्‍है ब'अना ईद र'ई का आर गे एंग्‍है लेक्‍खा बिगर बेंज्रका र'अना दौ र'ई।

गलातिया 1:19

उर्बासी तंग्ड़िस याकॊबसिन अम्‍बर नन्‍ना तइरकर गने नॆख'आ संगे हूँ एंग्‍है भेंट मल मंजा।

1 तीमोथियुस 3:2

औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

1 तीमोथियुस 4:3

आर “अम्‍बोत बेंज्र'आ अरा जोक्‍क जिनिस गुट्ठिन हूँ अम्‍बोत ओना मॊख़ा” एन्ने ब'ओर। धर्मेस गा अबड़ा ओन्ना-मॊख़ना गुट्ठिन इदगे गढ़चस का मानिम आबोन अख़‍'ऊ पत्त‍'ऊ आलर अबड़न धन्‍यवाद गने ओनोर मॊख़ोर।

1 तीमोथियुस 5:2

अरा पच्‍चो मुक्‍कारिन निंग्‍है अयंग बेसे नना, अरा पेल्‍लो मुक्‍कारिन सौंसे निमन गने निंग्‍है बहिन बेसे नना।

तीतुस 1:6

सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।