1 कोरिन्‍थ 9:26 - पुना गच्छरना NT (BSI)

²⁶ औंगे ऎन अयंध'आ बेसे मल बोंगदन। नॆ ताका ती अरबानख्रनर आर बेसे ऎन मल कुंहड़ाचनख्रदन।

1 कोरिन्‍थ 9:26 ပူးပေါင်းရင်းမြစ်များ

मत्तायोस 11:12

यॊहन नूड़रत'उसी बेड़ा ती इन्‍ना गूटी, आलर बड़पेलहा मेर्ख़ा राजी नू कोर'आ गे चिहुट नन्नर।

लू‍कस 13:24

“हाँ, औंगे सकुड़ बली ती मेर्ख़ा कोर'आ गे चिहुट नना, ऎन निमन ब'अदन, बग्‍गे आलर गा कोर'आ बेद्दोर, लिकिन कोर'आ पोल्‍लोर।

1 कोरिन्‍थ 14:9

ई लेक्‍खम नीम हूँ आलर मल बुझुरनर, आ कत्‍थन आर गने कछनख़्रदर होले, नीम एन्‍देर ब'आलदर अदिन आर एकासे अख़'ओर? नीम गा ताका नू कछनख्र'उर लेक्खा मनोर।

2 कोरिन्‍थ 5:1

नाम अख़दत का नम्है मॆद एकदा इसन ई ख़ॆख़ेल नू नाम उज्जना एड़पा धस्‍तार'ओ कालो, लिकिन नमा गे धर्मेस तरती मेर्ख़ा नू आलर ती मल कम्रका ओन्टा एड़पा र'ई, आद जनमजुग र'ओ।

2 कोरिन्‍थ 5:8

नाम गा डिढ गने र'अदत, अरा ई ख़ॆख़ेल ता मॆदन अम्‍बोत ती उर्बस गने उज्जा गे दिम कोड़हे पत्तारदत।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

फिलिप्‍पी 1:21

एंगा गे गा, उज्‍जना मने मसीस गे उज्जना। अरा खे'अदन ख़ने, आद ख़ॆख़ेल नू उज्जना ती अउरिम दौ हवे।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

2 तीमोथियुस 2:5

अन्नेम अखड़ा नू लड़‍'ऊ आलस नॆग ती मल लड़'ओस होले, दौ ख़ंजपा मल ख़क्‍खोस।

2 तीमोथियुस 4:7

ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।

इब्रानी 12:1

औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।

इब्रानी 4:1

धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

2 पतरस 1:10

औंगे अना भईरो, धर्मेसी निम्है मॆख़्रकन अरा चजरकन बड़ियर नना गे कोड़हे चिहुंक नना। नीम इबड़न ननोर होले, इकला हूँ मल खत्र'ओर।